تحلیلچی‌لردن کوپیسی، جدی اداره بولمه‌گن‌لیگی و ارگ‌ده‌گی حلقه‌لرنینگ قرشی‌لیگی سبب تنلاوکمیته ایشی باشله‌نیشی و سیلاو نظامی‌گه اصلاحات کیریتیش‌گه توسیق چیقه‌دی دیب بیله‌دیلر.
تنلاوکمیته‌سی نیچه هفته آرتده قالشی بیلن 3 آی آلدین ایجاد ایتیلدی؛ بیراق جمهور رییس‌نینگ سیلاو نظامی‌گه اصلاحات کیریتیش حکمی نماینده‌لر مجلسی تامانیدن رد بولیشی بیلن کمیته اعضالری ایچکی قیین‌چیلیکلر حل بولمه گونگه قدر ایشلرینی دوام بیرمس‌لیکلرینی بیلدیرگن ایدی.
رسانه‌یی تحلیل‌چی مجیب خلوتگرنینگ سلام‌وطندارگه ایتیشیچه، رسانه‌لر تامانیدن سیلاو کمیسیونلریگه اصلاحات کیریتیش باره‌سیده جمهورلیک سرایی‌نی باسیم‌گه آلگن زمان، ارگ تقنینی فرماننی آلغه سوره‌دی.
بیراق سیلاو نظامی‌گه اصلاحات کیریتش خصوصی‌ده کوچلی اراده بولمه‌گن‌لیگی‌نی کورسته‌دی.
جناب خلوتگرگه کوره، ارگ ایچی‌ده‌گی نظام‌گه اوزگریش کیلیشنی ایستمه‌گن کیشی‌لر بولگینیگه قدر، سیلاو نظامی‌گه هیچ بیر زمان اصلاحات کیریتیلمیدی.
بیراق شو سونگی‌ده جمهورلیک سرایی ایکینچی تقنینی فرمان صادر ایتیلیب سیلاو نظامی‌گه اصلاحات کیرتیش ایشی اینیقسه تنلاوکمیته ایشی باشله‌نیشی کابینه تامانیدن هم تأیید بولگن تا ایشگه باشلسه‌لر. اما جمهورلیک سرایی مذکور فرمان صادر ایتیلمس‌دن آلدین نماینده‌لر مجلسی بیلن بحث‌گه کیرگن تا بو فرماننی هم آلدینکی دیک قیلمه‌سینلر.
تنلاوکمیته اعضاسی نعیم ایوب‌زاده‌نینگ ایتیشیچه، ارگ ایچی‌ده‌گی قرمه قرشی‌لیکلر و فرصت‌نی قولدن بیریش فرهنگی سبب بولگن تا ایش کیینگه قالسه. اونگه کوره، وضعیت شونقه دوام ایتگن صورتده، تنلاوکمیته ایشی بوندن هم کوره کیینگه توشیب کیته‌دی.
جناب ایوب‌زاده‌نینگ ایتیشیچه، حکومت‌نی سیلاو نظامی‌گه اصلاحات کیریتش ایشیگه جدی بولگن صورتده، نماینده‌لر مجلسی هیچ بیر زمان جمهور رییس نینگ تقنینی فرمانی‌نی رد قیلمی‌دیلر.
