.jpg)
افغانستان ایش بیلرمانلریدن بیرقطاری‌نینگ ایتیشیچه، قویاش 1396- ییل‌ده مملکت اقتصادی وضعیتی یخشی بولمه‌گن.
اوشبو ایش بیلرمانلرگه کوره، اوتگن ییل‌لر کبی بو ییل هم افغانستان اقتصادی وضعیتی و اهالی حضوریده یخشی‌لیک کورینمه‌گن.
اقتصادی ایش بیلرمانلرگه کوره، قویاش 1396- ییل قانلی بیر ییل بولگن. اولرنینگ ایتیشیچه، بو ییل اقتصادی و اجتماعی نطقه‌ای نظریدن اهالی تیریکچیلیگی‌ده اوزگریش، قولی‌لیک و یوتوق یوز بیرمه‌گن.
سلام‌وطندارگه صحبت بیرگن اقتصادی ایش بیلرمان محمدشبیر بشیری‌نینگ ایتیشیچه، 1396- ییل‌ده اهالی خرجتی قویی توشگن و شونینگ‌دیک، ایش‌سیزلیک میزانی آزه‌یمه‌گن.
باشقه تاماندن، اقتصادی ایش بیلرمانلردن ینه بیری آذرخش حافظی، مملکت اقتصادی رواجلنیشی و وضعیتی‌نی خوفسیزلیک و برقرارلیک تأمین‌لنیشی گه باغلیق دیب بیله‌دی.
بیراق، حسابات مرکزی اداره مسؤوللری، قویاش 1396- ییل‌نی بیرینچی 9 آیی‌ده مملکت‌ده ناخالص ایچکی محصولات کوپه‌یگنیدن خبر بیره‌دی.
اولرنینگ ایتیشیچه، بو ییل ایکینچیلیک بولیمی بیر آز رواجلنگن و ایچکی محصولاتده کوکنار شامل ایکینچیلیک سهمی 32.4% گه ییتیشگن، ایچکی محصولاتده صنعت سهمی 18% و خذمت‌لر سهمی 49% گه ییتیشه‌دی.
.jpg)
حسابات مرکزی اداره‌سی اورین باسری حسیب‌الله موحدنینگ ایتیشیچه، 1395- ییل گه نسبَتَن صادرات و واردات بولیمی یخشی‌لنگن و شونینگ‌دیک، سوداگرلیک بلانسی کمه‌یگن.
حسابات مرکزی اداره‌سی اورین باسری‌نینگ ایتیشیچه، ایچکی محصولات میزانی آشگنی گه اساس، بو ییل‌ده اقتصاد ترقیاتی 2.3% گه ییتیشی کوتیله‌دی.
شونینگ‌دیک، صنعت، سوداگرلیک و سرمایه یاتقزیش وزیرلیگی سوزلاوچیسی مسافر قوقندی‌نینگ ایتیشیچه، 1396- ییل‌ده افغانستان سوداگرلیک، اقتصاد و ترانزیت بولیم‌لریده یخشی یوتوقلرگه ایریشگن.
حسابات مرکزی اداره‌سی مسؤوللری‌نینگ ایتیشیچه، ایریم بولیم‌لرده قیین‌چیلیک بولیشی ممکن؛ بیراق توپلم شکلده مملکت‌نینگ اقتصادی وضعیتی یخشی‌لنگنینی کورسته‌دی و اقتصاد ترقیاتی جمعیت ترقیاتی‌دن یوقاری دیر.
اولرگه کوره، هر زمان اقتصاد ترقیاتی جمعیت ترقیاتی‌دن یوقاری بولگن صورتده، اقتصادی وضعیت یخشی‌لنگنینی کورسته‌دی.
قویاش 1396- ییل افغانستانده اقتصاد بولیمی‌ده عمل‌گه آشیریلگن نرسه‌لر، هرات ولایتیده تاپی پروژه‌سینی عملی ایشی باشله‌نیشی، هندوستان‌نینگ ایکی کته شهری و شونینگ‌دیک، قزاقستان‌نینگ آلماتا شهریگه افغانستان‌نینگ سوداگرلیک تَورلرینی انتقال بیریش خصوصیده، هوا دهلیزی آچیلیشی و ترکی بیر شرکت بیلن کجکی برق توغانی‌نینگ ایکینچی بولیمی‌دن برق ساتیب آلیش و ایشلب چیقاریش دیر.
