افغانستان ایشلاوچیلر ملی بیرلشمه‌سی یا-ده امکا، عمومی بیر ناراضیلیک‌ده مذکور بیرلشمه جایدادلری مالیه وزیرلیگی و ییر بوتونلیگی اداره‌سیگه تاپشیریلیشی خصوصیده، جمهور رییس تامانیدن بیریلگن بویروغنی قانون گه قرشی دیب بیله‌دی.
اوشبو بیرلشمه باشلیغی معروف قادری‌نینگ ایتیشیچه، بو بیرلشمه‌نی برچه جایدادی ایشلاوچیلرنینگ قانونی‌لیک پولی‌دن ساتیب آلینگن، حاضر جمهورلیک ریاستی گه تیگیشلی کیشی‌لر تامانیدن غصب ایتیلگن و ولایت‌لرنینگ مرکزلریده «امکا» نینگ بوتون دفترلری پولیس تامانیدن باسقین آستیگه آلینگن.
افغانستان ایشلاوچیلر ملی بیرلشمه‌سی‌نینگ شرطنامه‌سی جناب قادری تامانیدن اوقیش گه آلینیب و اونی بیر بولیمیده بونده‌ی دییلگن.
«حکومت ملکیت حجتی، ایشلاوچیلیک بیرلشمه‌سی حقوقی، خلق ارا ایش شرطنامه‌سی و 87 خلق ارا تشکیلات کنوانسیونی‌نینگ نظرگه آلمه‌ی؛ ایشلاوچیلر ملی بیرلشمه‌سینی باسقین آستیده آلیب و ملکیت‌لرینی غصب قیلیش اوچون سعی و حرکت قیله‌دی.»
اوشبو شرطنامه‌نی باشقه بیر بولیمیده کیلیشیچه، حکومت جوازگه قیته تیکلش و قانونی انتقال توغرسیده، امکا بیلن همکارلیک قیلمه‌ی و اوشبو بیرلشمه‌نینگ بانکی حسابلرینی یاپگن.
عین حالده، افغانستان ایشلاوچیلر ملی بیرلشمه‌سی اعضالری‌نینگ آگاه‌لنتیریشیچه، جمهورلیک ریاستی قراریگه قیته تیکلمه‌گن صورتده، کینگ ناراضیلیک‌لرگه قول اوره‌دیلر.
حکومت کابینه‌سی‌نینگ کیلیشووی اساسیده، مذکور بیرلشمه‌نی جایدادلری دولتی دیر و بو جایدادلر مالیه وزیرلیگی و ییر بوتونلیگی اداره‌سیگه تاپشیریلیشی کیره‌ک.
