بوگون «چهارشنبه» کابل‌ده خبری بیر ییغین اوتکزگن افغانستان بوییچه ایشلاوچیلر و ایشلاوچیلر ملی بیرلیگی یا-ده امکا مسؤوللری نینگ ایتیشیچه، اولر نیچه مرته حکومت دن ایشلاوچیلرنینگ حقوقی کوپه‌یتیریلیشی‌نی سوره‌گن، بیراق حاضرگه‌قدر حکومت تامانیدن اولرنینگ ایستک‌لریگه ایجابی جواب بیریلمه‌گن.
افغانستان بوییچه ایشلاوچیلر و ایشلاوچیلر ملی بیرلیگی‌نی باشلیغی معروف قادری نینگ ایتیشیچه، حکومت ایشلاوچیلرنینگ حقوقی‌نی کوپه‌یتیریب و اولرگه مملکت‌دن تشقری و ایچکریده ایش‌گه زمینه یره‌تیشی سوره‌گن.
جناب قادری گه کوره، کمیده ایکی ییل‌دن بویان امکا ایشلاوچیلری حقوق آلیشمه‌گن و حکومت اولرنینگ بانکی حسابلرینی باغله‌گن.
اونینگ کوپه‌یتیریشیچه، شونینگدیک حکومت ایشلاوچیلر ملی بیرلیگی نینگ ملکیت‌لرینی ناقانونی شکلده غصب قیلگن و اولر کرایی ییرلرده فعالیت قیلیشه‌دی.
امکانینگ باشلیغی گه کوره: «گرچند خلق‌ارا ایش بیرلیگی مذکور بیرلیک برچه ییرلری قیته‌دن اوزیگه تاپشیریلیشی، بانکی حسابلری آچیلیشی و جوازی تمدید بولیشی خصوصیده قرار قیلگن، بیراق حکومت حاضرگچه بو توغریده هیچ قندی اقدام قیلمه‌گن.»
مالیه وزیرلیگی سوزلاوچیسی شمعروزخان مسجدی نینگ ایتیشیچه، مالیه وزیرلیگی کیشی نینگ ییری نی آلمه‌گن و بو وزیرلیک شهرقوریش وزیرلیگی نینگ املاک عمومی ریاستی آرقلی و ایکی وزیرلیک نینگ کیلیشووی اساسیده، بو ییرنی اختیارگه آلگن. شونینگدیک شهر قوریش وزیرلیگی سوزلاوچیسی ایشلاوچیلر ملی بیرلیگی نینگ ادعاسینی بی اساس دیب ایتیشیچه، ایشلاوچیلر ملی بیرلیگی مذکور ییرلردن توغری قوللنمه‌گن و جمهوررئیس نینگ بویروغی اساسیده، مذکور بیرلیک ییرلری قیته‌دن آلینگن.
ایشلاوچیلر ملی بیرلیگی ایش ساحه‌سیده خوفسیزلیک تأمین ایتیلیشی، ایشلاوچیلری ساغلیگی تأمین ایتیلیشی، ایش جریانیده ایشلاوچیلر سَقله‌نیشی و ایشلاوچیلری تقاعد قیلگنیدن کیین اولرگه قوله‌یلیک یره‌تیش اوچون قویاش 1343- ییل‌ده ایجاد ایتیلدی و کابل نینگ نیچه بولیمی‌ده ییر و ملکیت‌لری بار.
