دولت توغروقخانهلریده عیال داکترلرنینگ قوپال یانده‌شیشیدن تشویش بیلدیرگن بعضی بیر خاتینلر ایریم وقتلرده بیر قنچه شفاکارلر باله دنیاگه کیلتیره دیگن خاتین بیلن یامان یانده‌شیب کوپینچه حاللرده بولرنی حتی کلتکلیدی دیگنلر.
باله دنیاگه کیلتیرگن ایریم خاتینلرنینگ سوزلریگه کوره، دولت توغروقخانهلریده بیرینچی مرته باله دنیاگه کیلتیریش بیلن باشقه دولت شفاخانه‌سیگه مراجعه قیلیشدن آنت ایچگنلر. عیاللر دولت شفاخانهلریده خذمت کورسه‌تیلیشی اورنیده اهاینت بولگن‌لیکلری سبب بونده‌ی شفاخانه‌لرگه نسبتن ایشانچلرینی قولدن بیرگنلر.
تورت باله‌نینگ آنه‌سی مریم ایمان نینگ سلا‌م‌وطندارگه بیرگن صحبتیده داکترلرنینگ قوپال معامله‌سیدن شکایت قیلگن. باله دنیاگه کیلتیریش مقصدیده دولت شفاخانه‌لریدن بیریگه بارگن مریم داکترلرنینگ نا درست معماسیگه روپه ره بولگن لیگینی ایتگن. « عیال داکترلر آرقه‌لی اهانت بولگن‌لیکدن تشقری حتی کلتک لنگن لیگینی تیلگه آلگن» خانم مریم ایمان.
شونینگدیک ملالی شفاخانه‌سیده باله دنیاگه کیلتیرگنلردن ینه بیری خانم عابده. او هم بو شفاخانه‌ده داکترلر تامانیدن اهانت بولگن لیگینی بیلدیره‌دی.
عابده، عیاللر باله دنیاگه کیلتیره دیگن پیت داکترلر اصلا اعتبار بیرمیدی دیدی. واسطه همده تانیش – بیلیشی بولگن خاتینلر کوپراق عیال شفاکالرنینگ اعتبار مرکزیده بوله‌دی دیگن خانم عابده.
عین حالده، حامله‌لی عیاللر بیلن دولت شفاخانهلریده یولداشلیک قیلیب بارگن کیشیلر هم کابل نینگ دولت توغروقخانهلریده داکترلر طرفیدن حقارت بولگن‌لیکلرینی معلوم قیله دیلر. اولرنینگ تعبیریچه، حامله‌لی عیاللرنی توغروق‌خانه‌گه کیلتیرگن پیتده عیال شفاکارلر باله دنیاگه کیلتیره دیگن خاتین ینه اونی یولداشی بیلن انسانی معامله قیلمیدی.
دولت شفاخانهلریده بو قبیل قیینچیلیکلر بارلیگینی رد قیلمه‌گن مملکت ساغلیقنی سقلش وزیرلیگی نینگ مصلحتچیسی قمرالدین صدیقی، داکترلر هم نیچه مرته حامله‌لی عیاللر و یولداشلری‌نینگ نادرست یانده‌شیشلریدن شکایت قیلگنلر دیگن.
اونینگ سوزلریگه قره‌گنده، ایریم موردلرده بیمارلر هم شفاکالر مقابلیده زوردن ایش آلگن.
بو قبیل معمالر برطرف ایتیلیشی اوچون لازم درجه ده تدبیر آلینه‌دی دیگن جناب صدیقی.
مملکت ساغلیقنی سقلش وزیرلیگی نینگ بلند مرتبه‌لی رسمیللری، نابرقرارلیک، عیال شفاکارلر یوقلیگی، ترانسپورت خذمتلر ییتیشمس‌لیگی و ناتوغری عرف و عادتلر باعث مملکت یشاووچیلری اینیقسه حامله‌لی عیاللرگه یخشی خذمت کورسته آلمس‌لکیلری اوچون اساسی عامل سنه‌له‌دی دیگنلر.
