.jpg)
افغانستان مهاجرلری، ایکی مملکت آره‌سیده‌گی چیگره‌ده دریاگه تشلنگن واقعه‌نی تیکشیریش اوچون بوگون «سه‌شنبه، 6- جوزا» ایران دیپلماتیک هیأتی کابل گه کیلیش اوچون قرار قیلگن.
ایران میدیالری تامانیدن بیریلگن گزارش گه کوره، ایران تشقی ایشلر وزیری نینگ حقوقی اورین باسری محسن بهاروند، تشقی ایشلر وزیری نینگ دستیاری رسول موسوی و مذکور مملکت نینگ چیگره‌چی‌لرینی نماینده‌سی هیأت اعضاسی بولیشگن.
ایران دولتی خبری آژانسی-ایرنانینگ گزارشی گه کوره، اوشبو هیأت ایران تشقی ایشلر وزیری نینگ حقوقی اورین باسری تامانیدن ییتکچیلیک قیلینه‌دی.
اوتگن هفته مملکت تشقی ایشلر وزیرلیگی نینگ اعلان قیلیشیچه، افغانستان و ایران نینگ چیگره‌یی کمیسارلری، 1335- کیلیشوونامه اساسیده، «افغانستان مهاجرلری ایران چیگره‌چی‌لری تامانیدن دریاگه تشلنگن» واقعه توغریسیده قوشمه بیر تدقیقات اوتکزیشگن، بیراق ایران کمیسارلری بو حجت نی قبول قیلمه‌گن.
افغانستان کمیسارلری، ایکی مملکت آره‌سیده بولگن کیلیشوونامه اساسیده، تدقیقات نی دیپلماتیک مرجع گه تاپشیرگن.
اوشبو وزیرلیک نینگ ایتیشیچه، ایران بو واقعه نی تیکشیریش اوچون بیر دیپلماتیک هیأت قیلگن و بو هیأت افغانستان هیأتی بیلن تدقیقات اوتکزه‌دی.
شونینگدیک، افغانستان تشقی ایشلر وزیرلیگی نینگ ایتیشیچه، کابل گه ایران نینگ بلندمرتبه‌لی هیأتی نینگ سفری و اوشبو واقعه توغریسیده قولگه کیریتیلگن حجت و مدرک اوستیدن قوشمه تدقیقات اوتکزیلگنده، واقعه آچیقلنیشی، ایکی دولت تامانیدن سونگ قرارلر آلینیشی و کیله‌جک ده بونده‌ی واقعه‌لرنی آلدی آلینیشی توغریسیده یاردم بیره‌دی.
