آمریکا جمهور رئیسی دونالد ترامپ، بیر بیانیه آرقه‌لی، ایران سپاه پاسداران کوچلرینی تروریستی گروه‌لر رویخطی‌گه قرار بیرگن.
کیله‌جک ایکی هفته گه‌قدر سپاه پاسداران کوچلری‌نینگ تروریستی گروه‌لر رویخطی‌گه قرار تاپگنی‌نینگ جزئیاتی اعلان ایتیله‌دی.
آمریکا جمهور رئیسی‌نینگ کوپه‌یتیریشیچه، جهانی تروریسم گه قرشی کوره‌ش، ایران‌گه قرشی مالی فشارلر و اوشبو مملکت نینگ چکه‌گه قرار بیریش اوچون بو قرار آلینگن.
بیرینچی مرته که بیر مملکت نینگ رسمی حربی کوچلری واشنگتن تامانیدن تروریستی گروه‌لر رویخطی‌گه قرار بیریله‌دی.
عین‌حالده، ایران ملی خوفسیزلیک عالی کینگشی بیر بیانیه آرقه‌لی، آمریکا قوشمه ایالاتی‌نی «تروریسم حامی» سی و آسیا غربیده بولگن کوچلرینی «تروریستی گروه» عنوان قیلگن.
آمریکا تشقی ایشلر وزیری مایک پمپئو نینگ بیر خبری ییغینده ایتیشیچه، « سپاه پاسداران کوچلری اوغری دیر و مسووللری فاسد بولیب و کوچلریدن ناتوغری فایده‌لنه‌دی.»
آمریکا تشقی ایشلر وزیری نینگ کوپه‌یتیریشیچه، آمریکالیک عسکرلرنینگ قانی سپاه قولیگه دیر.
عین‌حالده، استریت ژورنال خبری آژانسی نینگ گزاریشی‌گه کوره، پنتاگون قطار مقام‌لری جمله‌دن حربی کوچلر باش قومندانی اوشبو قراردن خواطر بیلدیرگن.
آمریکا حربی کوچلری‌نینگ باش قومندانی جنرال جوزف دانفورد نینگ آگاه‌لنتیریشیچه، سپاه پاسداران کوچلرینی تروریست عنوان قیلیش آمریکا کوچلری‌گه قرشی تحریک‌نی کوپه‌یشی‌گه سبب بوله‌دی.
بوندن آلدین ایران ییریک مقام‌لری، سپاه پاسداران کوچلری‌نینگ تروریستی گروه‌لر رویخطی‌گه قرار بیریلیشی خصوصیده، آمریکانی آگاه‌لنتیرگن ایدی.
