د هندوستان کرکټ ملي لوبډلې پخوانی بیټسمین او مشهوره (کمینټیټر) اکاش چوپړا د ټویټر په یو پیغام په افغان کرکټ بورډ او مینه والو کط غوسه راپارولې.
اکاش چوپړا چط اوسمهال د بنګله دیش په کوربتوب په لومړی پړاو شل اوریزه ( ایشیا کپ ) سیالیو کې په (کمینټرۍ) بوخت دی د افغانستان کرکټ ملي لوبډلې تیز بالران پاکستانیان یاد کړِي دي.
د نوموړي په وینا چې د ایشیا کپ په ټاکنیز پړاو کې د لوبیدونکو عربي امارت، عمان او هانګ کانګ په څیر د افغانستان کرکټ ملي لوبډلې تیزبالران هم د پاکستان هیواد دي.
د ټویټر پیغام په خپرېدو د افغانستان کرکټ مینه والو ترڅنګ افغان کرکټ بورډ هم په خپله رسمي ټویټر پیغام پاڼه کې د اکاش چوپړا دغه څرګندونې بې مسولیته یادې کړي دي.
د افغانستان کرکټ بورډ په خپل ټویټر پیغام کې دغه پخواني هندي کرکټر ته ویل شوي چې د افغانستان کرکټ ملي لوبډلې ټول لوبغاړي په خټه پاک افغانان دي.
دغه راز د افغانستان کرکټ یو شمیر مینه والو هم چې په ټویټر ټولنیزه پاڼه کې ثبت دي؛ د اکاش چوپړا څرګندونې غندلي دي او له نوموړي څخه یې غوښتي چې بخښنه وغواړي.
پخپله د کرکټ بورډ او یو شمیر کرکټ پالوونکو د غبرګونو وروسته د کرکټ هندي تبصره کوونکي په رسمي توګه په خپله (ټویټر) پاڼه کې له افغانانو بخښنه غوښتې.
نوموړي خپل نظربدل کړی دی او ویلي یې دي، مقصد یې دا و چې زیاتره دغه لوبغاړو په پاکستان کې وخت تیرکړی دی.
د یادونې وړ ده چې له دې وړاندې هم د کرکټ یو شمیرنورو کرکټ کارپوهانو او پخوانیو لوبغاړو د افغانستان کرکټ ملي لوبډلې زیاتره لوبغاړي پاکستانیان یاد کړي دي.
د اکاش چوپړا وړاندې د پاکستانۍ کرکټ ملي لوبډلې مشهوره سپنر بالر سعید اجمل هم په یوه تلویزوني مرکه کې د افغانستان کرکټ ملي لوبډلې لوبغاړي پاکستانيان یاد کړي وو چې په غبرګون کې ېې کرکټ بورډ د قانوني چلند دعوه هم کړې وه خو بیا وروسته ګونګه پاتې شوه.
