.jpg)
افغانستان ملی موزیم مسووللری، اون ییل آقیمیده 5367 قدیمی و تاریخی آبده‌نی کابل، بامیان، میدان‌وردک، بلخ، لوگر وغزنی ولایتلریده کشف قیلیب قولگه کیریتیش‌گه موفق بولگن لیکلرینی بیلدیردیلر.
ملی موزیم اداره‌سی نینگ مسووللری، بوگون کابل‌ده خبری بیر انجمن اوتکزیب، اون ییل‌لیک فعالیتلرینی گزارش بیردیلر.
مملکت اخبارات و مدنیت وزیرلیگی نینگ تاریخی آبده‌لر اداره‌سی باشلیغی عبدالقدیر تیموری‌نینگ ییغینده صحبت قیلیب بو ساحه‌ده اخیرگی اون ییل جریانیده‌گی فعالیتی‌گه اشاره قیلگن. اون ییل دوامیده نارنج‌تپه‌دن 118 اثر، قولتوتدن 31 آبده، لوگر ولایتیدن 2392 تاریخی آبده، میدان‌وردک‌دن 531 اثر، کابل نینگ خواجه صفامنطقه‌سیدن 49 آبده، بلخ ولایتیدن1037 اثر، بامیان‌دن 662 اثر و غزنی‌دن ایسه 22 تاریخی آبده کشف قیلیب قولگه کیریتگن لیکلریگه اشاره قیلگن جناب تیموری.
جناب تیموری، اوشبو تاریخی آبده‌لر تاریخی نقطه نظردن ایریم دورلر جمله دن ساسانیلر (224دن 651میلادی) و کوشانیلر (60دن 375 میلادی) زمانیگه باریب تاقیله‌دی دیگن.
.jpg)
شونینگدیک جناب تیموری، صنعی یولداش آرقه‌لی بعضی بیر منقطقه‌لرده تاریخی آبده‌لر بارلیگی بیلگی لنگن، اما نابرقرارلیکلر سبب اوشبو آبده‌لرنی قازیب چیقاریش اوچون شرایط میسر بولمه ن لیگینی اظهار قیلگن.
افغانستان اخبارات ومدنیت وزیرلیگی نینگ سرپرستی کمال سادات، افغانستان‌گه تیگیشلی چیت ایلگه قاچاق ایتیلگن تاریخی آبده‌لر مملکتگه آلیب کیلیشینی اوستیده تاکید ایتگن. عین حالده، جناب سادات، مملکت اهالیسی‌دن اویلریده تاریخی آبده‌لر بولسه مملکت ملی موزیمی‌گه تاپشریشلرینی سوره‌گن.
مملکت اخبارات و مدنیت وزیرلیگی نینگ سرپرستی، افغانستان نینگ ایریم منطقه‌لریده یاشیریلیب قالگن تاریخی آبده‌لرنی قازیب چیقاریش اوچون ساحه‌نینگ متخصصلری وظیفه لنتیریلگن لیگی خصوصیده اشاره قیلگن.
اوتمیش‌ده مملکت نینگ تورلی ولایتلریده قازیب چیقاریلگن تاریخی آبده‌لر ملی موزیمده سقله‌نردی. اما، بولرنینگ کته قسمی ایچکی اوروشلر جریانی اینیقسه جنگری طالبلر تیزیمیده تالان قیلینیب نابود ایتیلدی.
