.jpg)
فاریاب ولایتی کینگشی و مدنی فعاللریدن قطاری‌نینگ ادعا قیلیشیچه، نیچه تومن مرکزی و میمنه شهری‌دن تشقری، مذکور ولایت‌نینگ برچه ییری طالبلرنینگ نظارتی گه قرار تاپگن.
فاریاب ولایتی کینگشی اعضاسی عبدالاحد ایلبیگ‌نینگ ایتیشیچه، فاریاب‌نینگ ایکی تومنی طالبلرنینگ نظارتی‌گه دیر و قوم بویوک‌لری‌نینگ اَرلشوولری باعث باشقه 8 تومن‌نینگ یالغیز مرکزلری دولت نظارتی گه قرار تاپگن.
فاریاب مدنی فعاللریدن سیدزین‌الدین عابدی و شاه‌محمد نجوانینگ ایتیشیچه، نهایت‌ده دولت خوفسیزلیک کوچلری‌نینگ یره‌دارلری و اولیک‌لرینی تومن‌لردن ولایت مرکزی‌گه انتقال بیره‌آلمه‌یدی. اولرگه کوره، تومن‌لرده خوفسیزلیک تأمین ایتیلیشی کته بیر ایستک دیر و دولت بو اِیش‌نینگ قیله‌آلمه‌یدی.
.jpg)
فاریاب حاکمی نقیب‌الله فایق، ایچکی و مدافعه وزیرلیک‌لریدن جدی تنقید قیلیب ایتیشیچه، فاریاب‌نینگ 80 فایزدن آرتیق ییری طالبلرنینگ قولی‌گه قرار تاپگن و مذکور وزیرلیکلر فاریاب خصوصیده سلیقه‌یی اَره‌لشه‌دی.
بوندی بیر حالده، جمهوررئیس‌لیک سرایی‌نینگ مصلحتچی‌لری اوشبو ولایت یشاوچیلری‌نینگ قیینچیلیگی نی جمهوررئیس گه ییشیتریش اوچون ینگی‌لیکده اوشبو ولایت‌ده سفر قیلگن.
