.jpg)
طالب‌لر 18 آی آلدین عبدالصمدنینگ دولت اوچون مخبرلیک‌که عیب‌لب قماققه تشله‌گن. اونگه کوره، توتقونگه آلینگن کون ایرته‌سی اولدیریلیشی‌گه قرار قیلینگن. طالب‌لر عبدالصمدنینگ، قینه‌ش اوچون هر کون اونگه اولیمی‌‌دن خبر بیرر ایکن.
عبدالصمد، هلمند ولایتی نوزاد تومنی‌ده حربی کماندو کوچلری‌نینگ بیر عملیاتی جریانیده طالب‌لر قورشاویدن آزاد ایتیلگن. اونینگ یاشی 45 ده، هلمند ولایتی‌نینگ نادعلی تومنی چاه انجیر منطقه‌سیدن بوله‌دی. اونگه کوره، طالب‌لر اونی زجر بیریب اولدیریش‌گه قصد قیلگن ایکن.
طالب‌لرنینگ صحرایی محکمه‌سی، عبدالصمد و باشقه قورشاوده‌گی 11 یولداشی اولدیریلیشی‌گه حکم چیقارگن. مذکور یولداشلریدن بیرقطاری محکمه حکمی‌دن بیر کون کیین، آتیب اولدیریلگن. عبدالصمد 18 آی اولیمی‌نی کوتگن، بیراق سونگی پیت‌ده اولیم‌دن قوتیلگن.
.jpg)
عبدالصمدنینگ ایتیشیچه، 18 آیدن کیین تلیفون آرقه‌لی بیرینچی مرته ایناغه‌سی‌نینگ سیسی‌نی ایشیتگن چاغیده، خرسندلیک‌دن کوزیدن یاش توکیلیب و بغضی تولگن.
حربی کماندو کوچلری کیچه تاماندن یولگه قویگن بیرعملیات نتیجه‌سیده، 60 کیشی‌نی طالب‌لرنینگ قورشاویدن آزاد ایتگن و بولردن کوپینچه‌سی پولیس عسکرلری بولگن. اوشبو حبس‌گه آلینگن عسکرلر 10 کوندن 12 ییل‌گچه طالبان قورشاویده ایکن.
ایتیش لازم، هلمند ولایتی، 14 ییل‌دن بویان امنیتی کوچلر بیلن طالبان گروهی اورته‌سیده‌گی قتیق توقنه‌شوولرگه گواه بولیب کیلگن. مذکور ولایت‌ده طالب‌لر اوز حاکمیتی‌ده بولگن منطقه‌لرده نیچه قماقخانه توزه‌تگن و خلق‌نی محکمه قیلگنی‌دن کیین، اوزاق مدتلی حبس‌گه محکوم قیله‌دی.
