افغانستان ساغلیق‌نی سقلش و مخابرات وزیرلیگی اورته‌سیده امضالنگن شرطنامه اساسی‌ده بوندن بویان مرکز قوشیمچه ولایت‌لرنینگ ییریک شفاخانه‌لری مخصوص ترماق آرقه‌لی علاقه قوریش‌لری کوتیله‌دی.
مخابرات و تکنالوژی وزیری عبدالرزاق وحیدی بوگون (سه‌شنبه) اوشبو کیلیشووگه قول قوییش چاغیده ایتیشیچه، بوندن کیین مملکت بویلیب دولت‌نینگ 30 شفاخانه‌سی «تیلی مدیسین» لایحه‌سی آرقه‌لی بیر- بیراولری بیلن اولنه‌دی.
او، مذکور لایحه‌دن نیت ساغلیق‌نی سقلش بوییچه زمانوی الکترونیک جهازلردن فایده‌له‌نیش دیگن.
جناب وحیدی، مخابرات و ساغلیق‌نی سقلش وزیرلیگی اورته‌سیده قنده‌ی همکارلیک قیلیش مساله‌سی شرطنامه‌ده انیقلنمه‌گن دیگن.
عین حالده، مملکت ساغلیق‌نی سقلش وزیری فیروزالدین فیروزنینگ ییغین‌ده ایتیشیچه، دستلب ییریک شفاخانه‌لر مذکور سیستم آرقه‌لی اولنه‌دی سونگ اوشبو برنامه ولایت‌لرده عمل‌گه آشیریله‌دی.
جناب فیرزو، زمانوی الکترونیک جهازلردن فایده‌له‌نیش اوزاقدن توریب اهالی‌گه ساغلیق بوییچه خذمت قیلیش اوچون قُولی‌لیک یره‌تیش دیگن.
اونگه کوره، مذکور سیستم اوزاق منطقه‌لرده ایش بیرمس‌لیگی‌گه قره‌می، ولایت‌لر مرکزی‌نینگ شفاخانه‌لریدن بیری مذکور ترماق بیلن اولنه‌دی.
جناب فیروز، کسل‌لر مذکور سیستم آرقه‌لی متخصص داکترلردن مرکز و ولایت‌لرده مصلحت آلیش‌گه موفق بوله‌دیلر دیگن.
ساغلیق‌نی سقلش وزیری، مذکور سیستم ترکیه، پاکستان و هند بیلن اوله‌نیشی‌نینگ بیرینچی سببی افغانستان‌لیک کوپینچه کسل‌لر او مملکتلرگه مراجعه قیلیش‌لری اوچون عمل‌گه آشیریله‌دی دیگن. او، بو برنامه وزیرلیک‌نینک کیله‌جکده‌گی لایحه‌لریدن دیگن.
بو بیرینچی مرته افغانستان ساغلیق‌نی سقلش وزیرلیگی‌ده بونده‌ی سیستم ایش‌گه سالینه‌دی. وزیرلیک‌نینگ بلند مرتبه‌لی رسمیلری، مذکور ترماق کسل‌لرگه آسانلیک یره‌تیش‌دن تشقری مملکت‌ده ساغلیق‌نی سقلش خذمت‌لری سیستم‌گه کیریش اوچون هم ییریک ایجابی تاثری بار دیگن‌لر.
حاضرگی کونده افغانستان نینگ اوزاق منطقه‌لریده‌گی کسل‌لر محل‌لرده متخصص داکترلر بولمه‌گنی سبب ولایت‌لر مرکزی یاده کابل‌گه کیلیب دوالش‌گه مجبور بوله‌دیلر.
