بوگون "شنبه" ساغلیق‌نی سقلش وزیرلیگی‌نی مالی و اداری اورین باسری ماموسی زیور نینگ بیر خبری ییغین آرقه‌لی ایتیشیچه، ایدزگه یولیق‌گن کسل‌لر رقمی 5900 کیشی‌گه کمه‌یگن و بو جمله‌دن 4.4%نی پیچکاری قیلینه‌دیگن بنگی‌لر تشکیل بیره‌دی.
خانم زیور نینگ کوپه‌یتیریشیچه، باشقه مملکت‌لرده پیچکاری قیلینه‌دیگن بنگی‌لرنینگ رقمی کوپه‌یگن؛ بیراق افغانستانده اوتگن 10 ییلده اوشبو رقم اوزگرمه‌گن.
ساغلیق‌نی سقلش وزیرلیگی‌نینگ اورین باسری‌گه کوره، اوتگن بیر ییل جریانیده 28 کیشی ایدز کسل‌لیگی باعث، جان بیرگن؛ بیراق بو کسل‌لیک‌نی نابود قیلیش اوچون، بلخ، قندهار، قندوز، کابل و ننگرهار ولایت‌لریده خاص کسلخانه‌لر فعالیت قیله‌دی.
خانم زیورنینگ کوپه‌یتیریشیچه، بو رقم‌نی کمه‌یتیریش خصوصیده ساغلیق‌نی سقلش وزیرلیگی سعی و حرکت قیلماقده.
شوتوغریده…
- افغانستان بویلب 1731 ایرکک 355 عیال ایدز کسللیگیگه چلینگن
افغانستانده ایدز ایکی ییلده تورت برابر کوپیگن
عین‌حالده، ساغلیق‌نی سقلش وزیرلیگی‌نینگ ایدز کسل‌لیگی‌نی کنترل قیلیش ملی برنامه باشلیغی نقیب‌الله همدردنینگ ایتیشیچه، دنیا گزارشی‌گه کوره، زیان کمه‌یشی خصوصیده افغانستان خاص اورین‌گه قول تاپگن و بو بیر ایجابی حرکت دیر.
جناب همدردگه کوره، اوتگن بیر دهه ده ایدز کسل‌لیگی‌نی میزانی عادی اهالی‌نینگ آره‌سیده 0.01% دن آزراق، پیچکاری قیلینه‌دیگن بنگی‌لرنینگ آره‌سیده 4.4% و خطرلی بولگن عیاللر و ایرکک‌لرنینگ آره‌سیده 0.3% و 0.4% سقلنگن.
ساغلیق‌نی سقلش وزیرلیگی اوتگن ییل ایدز کسللیگیگه یولیق‌گن‌لر میزانی‌نی کمه‌یگنی‌دن خبر بیریب و ایدزگه قرشی کوره‌ش برنامه‌نینگ عملی ایتیلیشی بو کسل‌لیک کمه‌یشی خصوصیده ایجابی تاثیر قوییگنی‌نی بیلدیرگن ایدی.
