ساغلیک وزیرلیگی نینگ معلوماتی اساسیده، اوتگن ۲۴ ساعت‌ده مملکتده کرونا ویروس گه شبهه‌لی ۲۱۳ واقعه تیکشیریلگن کیم، بولردن ۴۹ ته‌سی ایجابی انیق‌لنگن.
مذکور وزیرلیک بوگون (چهارشنبه ۲- میزان) کرونا ویروس گه چلینگن‌لرنینگ کونده‌لیک رقمی نی ترقه‌تیش بیلن ایتیشیچه، اوشبو ینگی واقعه‌لر قید ایتیلیشی بیلن مملکتده کرونا ویروس گه چلینگنلر رقمی ۳۹ مینگ و ۱۴۵ کیشی گه ییتیشگن.
مذکور معلومات گه کوره، اوتگن بیر کیچه-کوندوز ده کرونا گه چلینگن ۱ کسل جان بیرگن کیم بو رقم بیلن حاضرگچه مملکتده کرونا ویروسی باعث ۱ مینگ و ۴۴۶ کیشی هلاک بولگن و شونینگدیک اوتگن بیر کیچه-کوندوز ده کرونا گه چلینگن ۳۴ کسل دارولنگن کیم بو رقم بیلن دارولنگنلر سانی ۳۲ مینگ و ۶۱۰ کیشی ییتیشگن.
عین حالده، دنیا ده حاضرگچه ۳۱ میلیون و ۷۸۳ مینگ‌دن آرتیق کیشی کرونا ویروس گه چلینگن کیم بولردن ۹۷۵ مینگ‌دن آرتیغی هلاک و باشقه ۲۳ میلیون و ۴۰۰ مینگ‌دن آرتیغی ایسه دارولنگن.
