ساغلیک وزیرلیگی نینگ معلوماتی اساسیده، اوتگن ۲۴ ساعت‌ده مملکتده کرونا ویروس گه شبهه‌لی ۲۸۱ واقعه تیکشیریلگن کیم، بولردن ۴۶ ته‌سی ایجابی انیق‌لنگن.
مذکور وزیرلیک بوگون (یکشنبه ۲- سنبله) کرونا ویروس گه چلینگن‌لرنینگ کونده‌لیک رقمی نی ترقه‌تیش بیلن ایتیشیچه، اوشبو ینگی واقعه‌لر قید ایتیلیشی بیلن مملکتده کرونا ویروس گه چلینگنلر رقمی ۳۷ مینگ و ۹۹۹ کیشی گه ییتیشگن.
کرونا ویروس نینگ کوپینچه ایجابی واقعه‌لری کابل، هرات، بلخ، ننگرهار، قندهار و پکتیکا ولایت‌لریده قید ایتیلگن.
مذکور معلومات گه کوره، اوتگن بیر کیچه – کوندوز ده کرونا ویروسی گه چلینگن ۲ کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی ۱ مینگ و ۳۸۷ کیشی گه ییتیشگن. شونینگدیک اوتگن ۲۴ ساعت‌ده کرونا گه چلینگن ۲۲۱ کسل داورلنگن کیم بو رقم بیلن دارولنگنلر سانی ۲۸ مینگ و ۲۱۱ کیشی گه ییتیشگن.
عین حالده، دنیا ده حاضرگچه ۲۳ میلیون و ۳۸۳ مینگ‌دن آرتیق کیشی کرونا ویروس گه چلینگن کیم بولردن ۸۰۸ مینگ‌دن آرتیغی هلاک و باشقه ۱۵ میلیون و ۹۱۰ مینگ‌دن آرتیغی ایسه دارولنگن.
