.jpg)
مملکت مدنیتچی‌لریدن بیرقطاری، قویاش 1394- ییل‌نی افغانستان مدنیتی اوچون قیین ییل بیلیب ایتیشیچه، اوشبو ییل حکومت مدنی وضعیت خصوصیده بی فرق یانده‌شگن.
اوشبو مدنیتچی‌لرنینگ ایشانچی‌گه کوره، افغانستان دولتی‌نینگ مدنی سیاستی یوق و انه شو سبب، مملکت مدنی وضعیتی رواجلنمه‌ی قالگن.
شاعر و یازووچی محمود جعفری، 94- ییل‌نی افغانستانده ادبیات زوالی دیب بیله‌دی. اونینگ ایشانچی‌گه کوره، اوشبو ییل‌ده باله‌لر ادبیاتی‌دن باشقه مدنی بولیم‌لرده هیچ بیر ایش بولمه‌گن.
جعفری‌نینگ ایتیشیچه، 1394- ییل یشاوچی‌لرنینگ کم‌بغل لیگی و ایش سیزلیگی، مملکت ادبیاتی اوستیگه سلبی تأثیر تشله‌گن. جناب جعفری، مدنیتچی‌لرنینگ مملکت‌دن چیقیشی‌نی افغانستان مدنیتی اوچون سلبی تأثیری بار دییدی.
اوشبو شاعر و یازووچی، مدنیت‌نی اجتماع اوزگریشی خصوصیده تأثیرچین بیلیب ایتیشیچه، افغانستان مدنی سیاست‌گه قول تاپمه‌گونگه‌قدر، امنیت و برقرارلیک‌که قول تاپه‌آلمه‌یدی.
امیری انتشارات باشلیغی وسیم امیری، مدنیت وزیرلیگی شامل افغانستان مدنی اداره‌لری‌نینگ بیر ییل‌لیک ایشینی قوشنی مملکت‌لر جمله‌دن تاجیکستان و پاکستان‌نینگ بیر هفته‌لیک مدنی ایشی‌گه قره‌گنده آز دییدی.
جناب امیری‌نینگ ایتیشیچه، افغانستان حکومتی ییل‌لر اوتیب بو ییل کتاب اوستیگه سالیق تعیین ایتدی؛ عین حالده، مملکت‌ده کونسایین کم‌بغل‌لیک و ایش سیزلیک میزانی آشگنی باعث، کتاب اوقیدیگن‌لر سانی آزه‌یگن. امیری‌نینگ ایتیشیچه، کتاب نشری و چاپی اوتگن ییل‌لرگه قره‌گنده 90 فایز کمه‌یگن و بو شرملی دیر.
.jpg)
مدنی واقعه‌لر
امیری انتشارات باشلیغی‌گه کوره، قویاش 94- ییل جریانیده، چمه‌سی 200 عنوان کتاب افغانستانده چاپ بولگن و کتاب اوقووچی یوقلیگی باعث، اوشبو کتاب‌لردن کوپینچه‌سی ناشرلرنینگ انباریده قاله‌دی.
افغانستان مرکزیده تاریخی شهر بولگن بامیان، صلصال و شه‌مامه‌نینگ کته هیکل‌لرینی اوزیگه جای بیرگن، جنوبی آسیا منطقه‌یی همکارلیک‌لر مدنی تشکیلاتی (سارک) باشیکینتی صفتیده، میلادی 2015- ییل، نیچه مینگ ایچکی و تشقی سیاحتچی و نیچه مدنی بیره‌م‌گه میزبانلیک قیلدی. شونینگ‌دیک، اوشبو شهر میلادی 2016- ییل، سارک مدنی تشکیلات باشکینتی صفتیده قالیب و یونسکو مدنی تشکیلاتی‌ده دنیانینگ خلاق شهرلری ترماغی عضویتی‌نی قولگه کیریتدی.
مدنی واقعه‌لردن بیری نیازمندلرگه یاردم بیریش اوچون «مهربانلیک دیواری» ایجاد ایتیلیشی بولیب، مملکت ولایت‌لری و باشکینت خلقی تامانیدن خوش قرشی‌لندی.
اوشبو ییل جریانیده، محلی قوشیقچی‌لردن بیری بیلتون و مملکت یازووچیلریدن ایکی کیشی اسماعیل اکبر و حبیب حکیمی عالم‌دن اوتدی. محلی قوشیقچی‌لردن باشقه بیری دلشاد بابه، نیچه آی قورشاودن کیین، قوراللی طالب‌لر تامانیدن اولدیریلدی.
شونینگ‌دیک اوشبو ییل‌ده، فیلم توزه‌تووچی و سینما تنقیدچیسی محسن حسینی، یازووچی خسرو مانی، شاعر هادی هزاره، شاعر جعفر عزیزی و باشقه بیرقطار مدنیتچی افغانستان‌نی ترک ایتیب غربی مملکت‌لرگه کیتگن.
.jpg)
سونگی آی‌لرده، افغانستان فارسی تیل شاعرلری و یازووچیلریدن بیر گروهی رسمی بیر سفرده ایران باریب و مذکور مملکت‌نی نیچه ادبی و مدنی لایحه‌لریگه اشتراک ایتیب سوزیوریتگن‌لر.
مدنیت و معلومات وزیرلیگی تامانیدن، باله‌لر ادبیاتی‌دن حمایت قیلیش اوچون صندوق ایجاد ایتیلیشی، قویاش 94- ییل‌ده افغانستان مدنیتی اوچون باشقه بیر ینگی آدیم بولگن.
شونینگ‌دیک، 94- ییل‌نینگ سونگی هفته‌لریده، دارالامان قصرینی قیته قوریش بودجه‌سی افغانستان کابینه‌سی تامانیدن تصدیق‌لندی و اوشبو ییل‌نی سونگی کونلریده، کابل‌ده عایله‌وی بیر سینما آچیلدی.
