بیر رنگ کییم کیگن کوپینچه یاشلر بیر صفده قرار تاپیب و برچه‌سی حربی تمرینات اوچون تیارگرلیک کورستماقده.
هرات پولیسی قومندانلیگی‌نینگ عملیاتی قطعه‌سی عسکری محمدصمیم 4 ییل آلدین قطار اورتاق‌لری بیلن پولیس گه قوشیلدی، قیزیق سنگرلرده کوکرگی‌نینگ سپر قیلیب ترورچی‌لرگه قرشی کوره‌شدی.
صمیم عسکرلیک نی سیوگی‌نینگ بیر قسمی دیب بیله‌دی؛ اونگه کوره، بو عشق نینگ کیله‌جگی آزادلیک، جسورلیک و مملکتدن مدافعه قیلیش دیر.
محمدصمیم نینگ ایتیشیچه، عسکرلیک‌که کوپینچه قیزیققنی باعث اوشبو گروه صفیده قوشیلگن و نیچه عملیات اینیقسه هرات ولایتی شیندند تومنی‌نینگ تازلش عملیاتی گه قتنشگن.
اونگه کوره، اوشبو عملیات 16 کون دوام تارتگن و نتیجه‌ده طالبان گروهی نینگ نیچه قومندانی و شونینگدیک خوفسیزلیک کوچلریدن قطاری هلاک بولگن.
اوشبو یاش عسکر، سونگی نیچه ییل‌ده اوروش میدانی‌دن اَچیق و شیرین تجربه‌لری بار.
محمدصمیم 7 کیشی‌لیک عایله‌نینگ یالغیز نان کیتیروچیسی دیر. او، نیچه مرته ترورچی‌لرنینگ پسترمه‌سیگه دوچ کیلگن و نهایتده بیر مرته دولت گه قرشی قورالی‌لرنینگ هجومیده تن جراحتی کوتارگن.
مذکور یاش عسکر نیچه آی آلدین تورموش قورگن؛ اونینگ ایتیشیچه، گرچند بوندی وضعیت گه اویدن اوزاق قالیش قیین دیر؛ بیراق چیده‌ش گه مجبور دیر.
شو توغریده:
خوفسیزلیک کوچلری‌نینگ قربانلیک و فداکارلیگی گه قره‌گنده، اولرنینگ قولگه کیلتیره‌دیگن آیلیک و امتیازلری کم دیر.
محمدصمیم نینگ ایتیشیچه، امنیتی کوچلر قولگه کیلتیره‌دیگن آیلیگی بیلن اوز و عایله‌لری نینگ احتیاج‌لرینی رفع قیله‌آلمه‌یدیلر.
مملکت نینگ آغیر و یمان وضعیتی یانیده، اوشبو عسکر وظیفه‌سیگه قیزیقیب و هم‌کسب‌لری بیلن خرسند دیر.
شونینگدیک، امنیتی مسئوللر عسکرلرنینگ قربانلیک‌لریدن منتدارچیلیک بیلدیریب ایتیشلریچه، عسکرلر آز امکانیت و حربی جهازلر بیلن اوز خلقی‌نینگ تینچلیگی اوچون کیچه‌لری تانگ آته‌دی، یا-ده آچ قارین بیلن اوروش نینگ قیزیق میدانی‌ده ترورچی‌لرگه قرشی کوره‌شه‌دیلر.
هرات پولیسی سوزلاوچیسی عبدالاحد ولی‌زاده نینگ ایتیشیچه، خوفسیزلیک کوچلری بعضن آذیق-آوقت ییش اوچون وقت تاپمه‌یدیلر.
شوندی بیر حالده محمدصمیم نینگ یالغیز ایستگی، اهالی‌نینگ امنیتی کوچلردن حمایت و طرفدارلیک قیلیش‌لری دیر.
شو توغریده:
