بوگون «یکشنبه» افغانستان عدلیه وزیرلیگی و بیرلشگن ملت‌لر تشکیلاتی تامانیدن مهاجرلر قاچاقی و انسان قاچاقی قربانلریگه یاردم بیریش ملی میکانیسم یا-ده (NRM) و انسان قاچاقی توغریسیده جواب بیریش اوچون آنلاین دیتابیس آچیلدی.
اوشبو میکانیسم‌نینگ اساسی مقصدلری، مهاجرلر قاچاقی و انسان قاچاقی قربانلریدن حمایت قیلیش بولیب و اساسی مقصدلریدن بیری، قربانلردن حمایت قیلیش اوچون دولتی و غیردولتی اداره‌لر آره‌سیده اویغونلیک ایجاد قیلیش دیر.
مذکور میکانیسم و دیتابیس آچیلیش مراسمی‌ده عدلیه وزیرلیگی‌نی سوزلاوچیسی امان ریاضت نینگ ایتیشیچه، اوشبو دیتابیس آرقه‌لی انسان قاچاقی‌نینگ قربانلری، مهاجرلر قاچاقی و قاچاقچی‌لر توغریسیده بولگن برچه معلومات رویخط‌ده آلینه‌دی.
افغانستان بوییچه بیرلشگن ملت‌لر تشکیلاتی‌نینگ مهاجرلیک بولیم نماینده‌سی لورنس هارت نینگ ایتیشیچه، انسان قاچاقی گه قرشی کوره‌ش خصوصیده، میدیالر، مدنی جماعه‌چیلیک تشکیلات‌لری و دین عالم‌لری اونملی رول اوینه آله‌دیلر.
جناب هارت نینگ ایتیشیچه، پولیس و عدلی و قضایی اداره‌لری مهاجرلر قاچاقی و انسان قاچاقی قربانلری بیلن قنده‌ی بیر شکلده یانده‌شیش‌لرینی بیلیش‌لری کیره‌ک. اونگه کوره، پولیس انسان قاچاقی قربانلریدن بیری بیلن روپه‌ره بولگنده، تیز آره‌ده تدبیر آلیب و اونی تیزلیک‌که خوفسیز ییرگه انتقال بیریشی لازم.
مهاجرلر قاچاقی و انسان قاچاقی قربانلریگه یاردم بیریش ملی میکانیسم یا-ده (NRM) مهاجرلر قاچاقی و انسان قاچاقی گه قرشی کوره‌ش قانونی‌نینگ 5- ماده‌سی و 7- بندی اساسیده، 15 ماده ده توزه‌لگن.
افغانستان بوییچه بیرلشگن ملت‌لر تشکیلاتی‌نینگ مهاجرلیک بولیم نماینده‌لیگی و یاردمچی اداره‌لرنینگ قولگه کیریتگن معلوماتی گه کوره، مهاجرلر قاچاقی و انسان قاچاقی قربانلریدن کوپینچه‌سینی عیاللر و باله‌لر تشکیل بیره‌دی.
شو توغریده…
