افغانستان انسان حقوقی کمیسیونی بیر اعلامیه ترقه‌تیب ایتیشیچه، بو کمیسیون محبوس‌لرنینگ قوییب یوباریش پروسه‌سیگه موجود قیینچلیک باعث، تینچلیک سوزلشوولری باشلنمه‌گنیدن خواطر گه دیر.
مذکور کمیسیون بوگون (یکشنبه 29- سرطان) بیر اعلامیه نشر قیلگن کیم بو اعلامیه‌ده کیلیشیچه، خلق‌ارا انسان دوستلیک اصولی اساسیده، انسان‌لرگه قرشی جنایت یا-ده اوروش جنایتی توغریسیده قاره‌لنگن محبوسلر تینچلیک سوزلشوولریدن آلدین یا-ده کیین قوییب یوباریلمه‌سی کیره‌ک.
اوشبو کمیسیون نینگ ایتیشیچه، محبوس‌لرنی قوییب یوباریش موضوعی تینچلیک سوزلشوولری گه توسیق بولمه‌سی اوچون، ایکی تامان اهالی گه کوپینچه معلومات بیریشی کیره‌ک.
انسان حقوقی ایرکین کمیسیونی افغانستان حکومتی و طالبان گروهی‌دن ایکی تامان نینگ توتقونیگه بولگن جنجل‌لی محبوسلر توغریسیده بوتون معلومات نشر قیلیش‌لرینی سوره‌گن.
اوتگن هفته آخرلریده مملکت تشقی ایشلر وزیرلیگی سرپرستی محمدحنیف اتمر طالب‌لرنینگ 592 محبوسی توغریسیده معلومات بیرمسدن، مذکور محبوس‌لرنینگ قوییب یوباریلمه‌سینی ایتدی.
گزارشلر اساسیده، طالبان حاضرگچه افغانستان حکومتی نینگ محبوس‌لریدن 700 ته‌سینی آزاد قیلگن.
آمریکا و طالبان گروهی آره‌سیده امضالنگن کیلیشوونامه اساسیده، افغانستان دولتی مذکور گروه نینگ 500 محبوسی نی قوییب یوباره‌دی و شونینگدیک طالبان گروهی افغانستان دولتی نینگ 1 مینگ محبوسی نی آزاد قیله‌دی.
تینچلیک کیلیشوونامه‌سی امضالنگنیدن بویان مذکور گروه نینگ کمیده 4500 محبوسی افغانستان حکومتی آرقه‌لی قوییب یوباریلگن.
طالبان نینگ 592 محبوسی افغانستان دولتی تامانیدن قوییب یوباریلمه‌گنی تینچلیک پروسه‌سینی قیینچلیک‌که روپه‌رو قیلگن.
