بوگون (جمعه 10- عقرب) مملکت اجرائیه باشلیغی عبدالله عبدالله شانگهای ییغینیده اشتراک ایتیش اوچون اوزبیکستان کیتگن.
اجرائیه ریاستی بیر خبرنامه ترقهتیب ایتیشیچه، جناب عبدالله مذکور ییغینده اشتراک ایتیش گه علاوه افغانستان حکومتی نمایندهلیگیدن مذکور ییغینده نطق سوزلهشی ممکن.
اجرائیه ریاستی نینگ خبرنامهسیده کیلیشیچه، جناب عبدالله مذکور ییغین چیککهسیده روسیه، اوزبیکستان، قزاقستان، قرغیزستان و تاجکستان باشوزیری، ایران جمهوررئیسی نینگ بیرینچی اورینباسری، هند مدافعه وزیری و شانگهای همکارلیک تشکیلاتی نینگ سکرترجنرالی بیلن تورلی موضوعلر حقیده صحبت اوتکزیشی ممکن.
شانگهای همکارلیک تشکیلاتی دولتلرارا بیر تشکیلات دیر کیم نیچه تامانلمه خوفسیزلیک، اقتصادی و فرهنگی همکارلیکلر اوچون تشکیل ایتیلگن. مذکور تشکیلات میلادی 2001- ییلده چین، روسیه، قزاقستان، قرقیزستان، تاجیکستان و اوزبیکستان رهبرلری آرقلی قوریلدی.
شو توغریده:
