رویترز خبرگزارلیگی پاکستان سیاسی و نظامی مقاماتی نقل قیلیب یازیشیچه بوگون پنجشنبه کیش قورینده افغانستانلیک طالبلر بیلن امیریکه لیکلر ارا بیرینچی اولتیریشلرینی قطرده اوتکزدی دیب یازگن.
اما حاضرگچه امیریکه و قطرلیک مقامات بوتوغریده بیرنرسه دیمه گن.
طالبلر هیتی نینگ اعضالریدن بیری رویترز بیلن تیلفونی سوزلشیب، بوگون سوزلشیشلر بیرینچیسی و ایرته هم ایکینچی مرحلهسی قطرده بولیب اوتیشی ممکن دیگن.
طالبلرپاکستان اردوسیگه سوزله شیش اوچون تیارگرلیکلرینی کورستگن دیب یازگن.
بوخبرشوپیتده ترقه تیلهدی کی سه شنبه کونی پاکستان اردو سی نینگ باشلیغی راحیل شریف جمهور رییس غنی بیلن اوچرشگنده کیله سی هفتهده پاکستان تامانیدن تینچلیک سوزلشیشلری اوچون آدیم کوتریشی بیلی بولهدی دیگن ایدی.
حاضرگچه افغانستان مقاماتی بوتوغریده بیرنرسه دیمه گن؛ ولی ملی بیرگه لیک حکومتی موندن آلدین تینچلیک سوزلشیشلری باید افغانلر ارا بولسه دیگن ایدی.
انه شو حالده طالبلر آلدینگی رهبرلریدن بیری و افغانستاندهگی جیشالمسلمین دیگن حزب باشلیغی اکبر آغا افغانستاندن تشقی کوچلری چیقمه گن حالده بو اولتیریشلر نتیجه بیرمیدی دیدی.
اکبر آغا سلام وطندارگه بو اولتیریشلر افغانلر ارا بولسه و ایکی تامان ایستکلری نینگ شدتی آزه یتیریلسه دیدی.
اکبر آغاگه کوره افغانستان حکومتی و طالبلر تینچلیک ایستیدیلر باید حکومت طالبلرنی قدرتگه شریک قیلسه و طالبلرهم اوز ایستکلرینی آزه یتیریب خلق اوچون اویله سه لر.
