.jpg)
جوزجان ولایتی درزاب تومنی‌نینگ پولیس قومندانی تورن اسماعیل‌نینگ سلام‌وطندارگه ایتیشیچه، مذکور تومنده جای‌لشگن امنیتی کوچ‌لر داعش گروهی‌نینگ قمرویگه قالگن.
جوزجان ولایتی درزاب تومن‌نینگ پولیس قومندانی‌گه کوره، قمروگه قولگن حربی‌لرنینگ ایکی کوندن بویان آزیقه اوقات لری یوق و داعش گروهی اوشبو تومن بازارینی نظارتی‌گه آلگن.
جناب اسماعیل‌نینگ ایتیشیچه، تورت کوندن بویان هوایی همکارلیک بولمه‌گنی سبب ایکی شهید و 7 یره‌دار انتقال بیریلمه‌گن.
مذکور تومنده قمروگه قالگن حربی‌لرنینگ ایتیشیچه، سنگرلرینی هیچ‌بیر زمان داعش گروهی‌گه تسلیم قیلمه‌یدی‌لر.
داعش قمرویگه قالگن عسکرلردن بیری محمدصادق‌نینگ سلام‌وطدارگه ایتیشیچه: « قمروگه میز، شهیدلرنینگ جسدلری ایسلنماقده و یره‌لنگنلرنینگ وضیعتی هم خواطرلنتروچی.» اونینگ ایتیشیچه، اوتکن اوچ کون جریانیده نیچه مرته حکومت رسمیلری بیلن تماس آلگنلر، بیراق هیچ‌قندی دقت بولمه‌گن.
.jpg)
قمروگه قالگن عسکرلردن باشقه بیری محمدجاویدنینگ ایتیشیچه، ایترلیچه تجهیزات‌لر یتیشمه‌گن صورتده، اولدیریله‌دی‌لر. اونینگ ایتیشیچه، کیچه‌لیک جسدلرنی کوچیک لردن قوریش اوچون نوبت توته‌دیلر.
جوزجان پولیس قومندانلیگی‌نینگ خوفسیزلیک آمری عبدالحفیظ خاشی‌نینگ اوشبو وضعیت نی تصدیق‌لب ایتیشیچه، وضعیت نی کنترول قیلیش منطقه‌ده جای‌لشگن حربی‌لر قولی دن کیلمه‌یدی. جناب خاشی گه کوره، مذکور تومنده جای‌لشگن کوچ‌لرنینگ رقمی 200 کیشی گه یریشه‌دی.
محل یشاوچی لری‌نینگ ایتیشیچه، حکومت کمکی کوچ‌لر یوبارمه‌گن حالده، مذکور تومن کامل صورتده داعش گروهی قولیگه سقوط قیله‌دی.
