افغانستان ایش و اجتماعی مساله‌لر بوییچه وزیرلیک بیلن امریکا ترقیات اداره‌سی اورته‌سیده همکارلیک‌لر بوییچه بیتیم‌گه قول قوییلدی. اوشبو شرطنامه اساسیده افغانستان‌لیک عیاللرنی تورلی ساحه‌لرده قابلیتی‌نی آشیریشی نظرده توتیلگن.
شونینگ‌دیک کیلیشوو اساسیده، ایندی بیلیم یورتلرنی بیترگن 3 مینگ خاتین – قیز اوچون ترقیات لایحه‌لرنی عمل‌گه آشریش شرایطی یره‌تیله‌دی.
عیاللرگه اوقوو دستورلرینی اورگه‌تیش لایحه‌سی تورت ییل مدت اوچون نظرده توتیلگن. بو لایحه‌نینگ هر باسقیچی 9 آی دن عبارت. 9 آی اورگه‌نیش دورینی بیتیرگن هر بیر اشتراکچی‌گه بیر ییل تجربه گه عاید حجت بیریلیشی ایتیله‌دی.
حساباتلرده اخیرگی اون ییل ایچیده امریکه قوشمه ایالت‌لری 89 میلیارد اقش دالری افغانستان حکومتی‌گه یاردم کورستگن. شونینگ‌دیک گزارش‌ده هر بیر مملکت‌دن کوره، امریکا دولتی افغانستان اوچون اینگ ییریک مالی کومک قیلگن دولت بولگن‌لیگی قید ایتیلگن.
