افغان عیاللر حرکتی؛ تینچلیک سوزلشوولریده عیاللرگه کوپراغ سهم بیریلسین

بوگون "پنجشنبه" کابلده خبری بیر ییغین اوتکزگن ایرکین‌لیک و تینچلیک بوییچه عیاللر خلق ارا حرکتی، تینچلیک سوزلشوولری جریانیده عیاللرگه کوپراغ سهم بیریلیشی خصوصیده تاکید قیلگن.

ایرکین‌لیک و تینچلیک بوییچه عیاللر خلق ارا حرکتی باشلیغی جمیله افغان نینگ ایتیشیچه، تینچلیک سوزلشوولریده عیاللرنینگ حضوری نمایشی و سمبولیک دیر و بو لایحه‌ده عیاللرگه تاثیرلی اورین بیریلمه‌گن صورتده، مملکت‌ده دایمی تینچلیک تامین ایتیلمه‌یدی.

تینچلیک عالی کینگشی اورین باسری اسدلله زایری نینگ ایتیشیچه، تینچلیک سوزلشوولریده جماعه بوتون اقشاری اینقسه عیاللرگه فعال اورین بیریلیشی کیره‌ک.

بلخ ولایتیده عیاللر تعلیمی مرکزی هم فرقلی بیر ییغینده تینچلیک سوزلشوولریده عیاللر اورنی‌نی اونملی عنوان قیلیب و مملکت سیاسی، اقتصادی و اجتماعی بولیم‌لرده اولرگه اورین بیریلیشینی سوره‌گن.