.jpg)
د افغانستان فوټبال ملي لوبډلي لوبغاړی حمید الله کریمي د یو تړون لهمخې د هندوستان کورنیو فوټبال سیالیو ته غوره شو.
د افغانستان فوټبال فدراسیون د معلوماتو له مخې، حمید الله کریمي د ډهلي یونایټیډ لوبډلې په ګټه د هندوستان په دویمه لیکه فوټبال سیالیو کی لوبېږي.
د برید لیکي ۲۶ کلن افغان لوبغاړی حمید الله کریمي د طوفان هريرود فوټبال لوبډله کې ولوبېد او په ښه ځلېدو بیا د افغانستان فوټبال ملي لوبډلې ته هم غوره شوی و.
حمید الله کریمي چې په ۹ شمېره کمیس کې لوبېږي لومړی افغان او یوازینی بهرنی لوبغاړی دی، چې د پور په بدل کې د ډهلي یونایټيډ لوبډلې په ګټه لوبېدو ته غوره کېږي.
د افغانستان فوټبال دغه ځوان لوبغاړی په ۲۰۱۳ او ۲۰۱۴ کلونو کې د افغانستان فوټبال ملي لوبډلې په ګټه لوبېدو ته هم غوره شوی و او د ورکړل شویو معلوماتو لهمخې یی پهدغه سیالیو کې یو ګول هم وهلی و.
.jpg)
حمید الله کریمي په ۲۰۱۲ کال کې د افغانستان په لومړي پړاو لومړۍ لیکه فوټبال سیالیو کې ولوبېد، چې د ۹ ګولونو په وهلو سره یې طوفان هریرود لوبډله لومړۍ اتلولۍ ته ورسوله.
حمید الله کریمي د افغانستان په کورنیو فوټبال سیالیو کې پرلهپسې ښه وځلېد او ۲ ځلې یې د سرو زرو بوټ جایزه هم ترلاسه کړه.
د هندوستان دویمه لیکه فوټبال سیالۍ هر کال د هندوستان کورني فوټبال په چوکاټ کې کېږي، چی موخه یې د هندوستان لومړۍ لیکه فوټبال سیالیو ته د لوبډلو غوره کېدل دي.
د حمید الله کریمي په موجودیت کې ډهلي یونایټيډ لوبډله اوسمهال په خپل لومړي ګروپ کې د ۶ لوبو او ۹ امتیازونو وروسته دویم مقام لري، چې د ۱۲ ګډونوالو لوبډلو څخه ۶ لوبډلو وروستي پړاو کې د لوبېدو ځای ترلاسه کړ، چې ډهلي په کې یونایټیډ لوبډله هم شته.
د افغانستان څخه حمید الله کریمي پهداسی حال کې د هندوستان دویمې لیکې فوټبال سیالیو ته غوره کېږي، چی د افغانستان فوټبال ملي لوبډلې پخوانی کپټان اسلامالدین امیري له پخوا د هندوستان په لومړۍ لیکه فوټبال سیالیو کې د چنایي فوټبال کلب په ګټه لوبېږي.
