.jpg)
د عامې روغتیا وزارت چارواکي وايي، چې په افغانستان کې د سرطان خطرناک مرض له امله هرکال زرګونه افغانان له منځه ځي.
د عامې روغتیا وزیر فیروز الدین فیروز نن چهارشنبه (فبروري ۳مه) کابل کې د سرطان پروړاندې د مبارزې نړیوالې ورځې په موخه جوړې شوې غونډې ته وویل، چې هر کال په نړۍ کې ۸ میلیونه وګړي د سرطان له امله مري.
فیروز زیاته کړه، په افغانستان کې هرکال ۲۰ زره وګړي په سرطاني ناروغۍ اخته کیږي، چې د نارینه او ښځينه و په ګډون ۱۵ زره یې خپل ژوند له لاسه ورکوي.
دغه راز د عامې روغتیا وزیر وویل، چې په افغانستان کې د ښځينه و د سینې سرطان ناروغي " ثدیه " په لوړه کچه لیدل کیږي، چې دا ناروغي د درملنې وړ ده.
خو د عامې روغتیا وزارت چارواکي وايي، چې د سينې سرطان درملنه په افغانستان سل په سلو کې امکان لري.
فیروز وايي، د کابل ښار په استقلال روغتون کې به د ښځینه و د سینې سرطان د درملنې يوه څانګه ډير ژر پرانیزي.
د عامې روغتیا وزارت چارواکو پروینا له دې وروسته هرخصوصي روغتون د جوړید له پاره لومړنی شرط دا دی، چې د سرطاني ناروغیو درملنې وسایل ولري.
وزیر داهم وویل، چې تېر کال یې د کابل جمهوریت روغتون کې د سرطان درملنې یو تشخصي مرکز جوړ کړی دی.
د عامې روغتیا وزیر وايي، چې د سرې کړې غوښې خوړل، ډیر خواړه، د سبزیو نه خوړل، په ورځينې ډول له کافي اوبو ګټه نه اخیستل او ورزش نه کول د سرطان ناروغۍ اصلي لامل ګڼل کیږي.
بل لوري ته چارواکي اندیښنه ښه يي چې په هېواد کې د ناروغانو د وړانګو درملنه نشتون له امله ډيری وګړي ګاونډیو هېوادونو ته ځي چې هرکال ۳۰۰ میلیونه ډالره لګوي.
