اوتگن کون بیرلشگن ملت‌لر تشکیلاتی‌نی خوفسیزلیک کینگشی‌نینگ خاص ییغینیده نطق سوزله‌گن افغانستان بوییچه بیرلشگن ملت‌لر تشکیلاتی‌نینگ خاص نماینده‌سی تادامیچی یاماموتو، کابل‌ده یوز بیرگن سونگی قره‌مه قرشی‌لیک‌لرگه اشاره قیلیب ایتیشیچه، افغانستانده حکومتدارلیک طریقه‌سی اوزگرمه‌گن صورتده، اوشبو مملکت ینگی قیین‌چیلیک‌لرگه روپه‌ره بولیب و باشقریشی قیین بولیشی ممکن.
افغانستان بوییچه بیرلشگن ملت‌لر تشکیلاتی‌نینگ خاص نماینده‌سی‌گه کوره، افغانستانده‌گی سونگی سیاسی قره‌مه قرشی‌لیک‌لر قومی توس آلگن و بو موضوع داعش گروهی اوچون زمینه یره‌ته‌دی.
جناب یاماموتونینگ اورغولشیچه، ملی بیرلیک حکومتی ینگی لایحه‌لر بیلن سعی و حرکت‌لر قیلمه‌گن تقدیرده، افغانستان سیاسی بیرلشیک‌لر کینگه‌ییشی، شفافیت میزانی آشیشی و دولت ایشانچی کوچله‌نیشی اینیقسه امنیت بولیمی‌ده جدی قیین‌چیلیک‌که روپه‌ره بولیشی ممکن.
بیرلشگن ملت‌لر تشکیلاتی‌نینگ خاص نماینده‌سی‌گه کوره، دولت سیاسی گروه‌لر بیلن مصلحت قیلمه‌ی و شونینگ‌دیک، سیاسی بیرلشیک‌نی نظرگه آلمه‌یدی.
عین حالده، سیاسی تحلیلچی‌لرنینگ اورغولشیچه، حکومت موجود قیین‌چیلیک‌لرنی رفع ایتیب و ایشانچ ایجاد ایتیش اوچون انقراض‌نی باشقریش طریقه‌سینی اوزگرتیریشی کیره‌ک.
.jpg)
سیاسی تحلیلچی اسحاق اتمرنینگ ایتیشیچه، ملی بیرلیک حکومت یشاوچیلر و دنیا جماعه‌چیلیگی‌نی چیگل فضاگه دوچار قیلیب و دنیا مملکت‌لرینی خواطرگه سالگن.
اوشبو سیاسی تحلیلچی‌گه کوره، حکومت حاضرگی قیین‌چیلیک‌لر توغریسیده سیزگیرلیک‌دن فایده‌لنیب و وضعیت‌نی یخشی لنتیریشی کیره‌ک.
جناب اتمرنینگ کوپه‌یتیریشیچه، کیچ بولمس‌دن افغانستان دولتی حکومتدارلیک طریقه‌سینی اوزگرتیریشی لازم.
سیاسی تحلیلچی‌لردن باشقه بیری خلیل رمان‌نینگ ایشانچی‌گه کوره، حکومت ایچیده‌گی ایشانچ‌سیزلیک قیین‌چیلیگی و بو توغریده جواب بیریلمه‌گی سبب، دنیا مملکت‌لری افغانستان کیله‌جگی خصوصیده خواطر بیلدیره‌دی.
جناب رمان‌نینگ کوپه‌یتیریشیچه، حکومت رهبرلری یشاوچیلرنینگ برابریده ناتوغری حرکت قیله‌دی و بو موضوع حاضرگی قیین‌چیلیک‌لرنی چیگل‌لشتیره‌دی.
عین حالده، جمهور رییس سوزلاوچیسی اورین باسری دواخان مینه‌پال‌نینگ سلام‌وطندارگه ایتیشیچه، ملی بیرلیک حکومت برچه موضوع‌لر توغریسیده یشاوچیلر بیلن مصلحت قیله‌دی و بو حکومت بوتونله‌ی ملی بولگن.
شونده‌ی بیرحالده، اوتگن کون نماینده‌لر کینگشی‌نینگ اورین باسری، جمهور رییس‌نینگ یکه‌تازلیگی‌دن تنقید قیلیب و عمومی ییغین‌نی ترک ایتدی و شونینگ‌دیک، نماینده‌لردن باشقه بیرقطاری، قوزغلان حرکت اعتراضچی‌لری‌نینگ برابریده حکومت‌نینگ قوراللی حرکتی‌دن جدی تنقید قیلدیلر.
