افغانستان ملی کریکت تیمی خلق ارا کریکت کینگشی 50 آوره‌لیک اویین‌لری ینگی درجه بندلیگی‌ده، 49 امتیاز قولگه کیریتیب بیرینچی مرته 12- درجه‌دن 10- درجه‌گه ایریشدی.
اوشبو مقام‌گه خلق ارا کریکت کینگشی‌نینگ اون دایمی عضوی جای آلگن و افغانستان تیمی زمبابوی تیمی‌نینگ اوستیگه غلبه قازانگنی‌دن کیین، اوشبو مقام‌نی قولگه کیریتدی.
افغانستان کریکت تیمی زمبابوی برابریده 50 آوره‌لیک اویین‌لریده، 49 چاپیش بیلن مذکور مملکت‌نی شکست بیریب و بو یوتوق ارا زمبابوی و ایرلند تیم‌لری‌نی باسیب اوتدی.
خلق ارا کریکت کینگشی 50 آوره‌لیک اویین‌لری ینگی درجه بندلیگی‌ده، ایرلند ملی کریکت تیمی 11- درجه و زمبابوی تیمی 12- درجه‌ده قرار تاپدی.
افغانستان اوشبو بیر کونلیک اویین‌ده زمبابوی‌نی شکست بیریب، 8 امتیاز قولگه کیریتدی.
افغانستان کریکت تیمی خلق ارا کریکت کینگشی 20 آوره‌لیک اویین‌لری درجه بندلیگی‌ده 9- درجه‌ده قرار تاپگن.
حاضرگچه خلق ارا بیر کونلیک بیلشوولریدن تورت اویین قالگن و افغانستان اوشبو اویین‌لرده وست اندیز اوستیگه غلبه قازانگن چاغیده هم، 8- درجه‌نی قولگه کیریته‌آلمه‌یدی؛ بیراق آتیقچه امتیاز کسب ایتیب، حاضرگی مقامی‌نی سقله‌آله‌دی.
شونینگ‌دیک، خلق ارا کریکت کینگشی بیر کونلیک اویین‌لری درجه بندلیگی‌ده، استرالیا، هند، جنوبی آفریقا، نیو زیلاند، سریلانکا، انگلستان، بنگلادش، پاکستان و وست اندیز (غربی هند) تیزیم شکلده بیرینچی درجه‌دن 9- درجه‌نی قولگه کیریتگن‌لر.
