مزار شریف شهریده افغانستان – ایران قوشمه تجاری کورگزمه‌سینی یول قویگن مسووللر، کورگزمه ییریک ایجابی نتیجه بیرگن لیگیدن خبر بیریشماقده‌لر. مسووللر، ایکّی مملکت تجاری تَورلرینی تانیشتیریش بولیمیده هنوزگچه 2 میلیون اقش دالری مقداریده 10 شرطنامه افغانستان و ایران سوداگرلری اورته‌سیده امضا چیکیلگن دیدیلر.
بلخ ولایتی صناعت و تجارت اتاقی نینگ باشلیغی آرش یونس، کورگزمه‌ده ایرانلیک سوداگرلر مملکتلریگه کوپراق قوریق میوه آلیب کیتیش اوچون ماییل‌لیک کورستدیلر دیدی. کورگزمه‌نی ایجابی بهاله‌گن ولایت صناعت و تجارت اتاقی نینگ باشلیغی، افغانستان‌نینگ ایرنگه صادراتی آشیشی ممکن دیگن.
کورگزمه‌نی اویوشتیرگنلردن بیری ایرانلیک سوداگر علی رضا صدرزاده، کورگزمه نتیجه‌سینی ایجابی بهالب، اوشبو نمایشگاه نینگ یوتوقلری توغریسیده گپیریش هلی ایرته دیدی. او، کورگزمه‌نینگ سونگی نتیجه‌سی 6 کوندن کیین معلوم بولیشی‌نی تیلگه آلگن.
افغانستان – ایران مشترک تجاری کورگزمه‌سی 4 کون اوچون مزار شریف شهریده اوتکزیلیشی ریجه لنتیریلگن. اوشبو کورگزمه‌ده ساغلیقنی سقلش اوسکونه‌لری یانیده قوریلیش موادلر و مملکت قوریق میوه‌سی هم کورستووگه قوییلگن.
