افغانستان و ایران تجارت و صناعت اتاق‌لری ایکی مملکت اقتصادی رواجله‌نیش یول‌لرینی قدیره‌دی. افغانستان تجارت و صناعت اتاغی‌نینگ مسوول‌لریگه کوره، اوچ کونلیک ییغینده ایران‌نینگ 16 کیشی‌لیک هیاتی بیلن قنده‌ی قوشمه سرمایه یاتقیزیش و ایکی مملکت تجارت رواجله‌نیشی اوستیده بحث ایتلیشی کوتیله‌دی.
افغانستان و ایران تجارت اتاقلری‌نینگ قوشمه ییغینی بوگون (دوشنبه) «اقتصادی رواجله‌نیش یول‌لرینی تیکشیریش» نامی آستیده بوگون کابل‌ده اوتکزیلدی.
افغانستان تجارت اتاغی‌نینگ اورین باسری احمد توفیق داوری‌نینگ ایتیشیچه، بیر ییل‌ده ایران و افغانستان اورته‌سیده سودا ساتیق 2 میلیارد دالر و ایران‌نی افغانستان‌گه صادراتی 1.7 میلیارد دالرگه ییته‌دی.
جناب داوریگه کوره، ایران افغانستان کیلتیریله‌دیگن تورلرنینگ بعضی‌سی‌گه باجخانه تعرفه‌سینی کمیتیرگن و مذکور اولتیریش‌ده باجخانه همده یوکلش معمالری حل ایتیلیشی اوستیده بحث آلیب باره دی‌لر.
داوری، ایرانلیک سرمایه تاتقیزووچی‌لر هنوزگچه افغانستانده تورلی بولیم‌لرده 600 میلیون سرمایه یاتقیزگن‌لر دیگن.
شونینگ‌دیک ایران رضوی خراسان استانی تجارت اتاغی‌نینگ رییسی محمد صمدیگه کوره، مملکت‌لر ایچیده افغانستان ایران‌نینگ ییریک اقتصادی شریکی دیر و کوپینچه ایرانلیک تجارلر افغانستانده سرمایه یاتقیزه‌دی.
جناب صمدیگه کوره، ایران نینگ 30% صادرات افغانستان‌گه دیر، رسمیلر مذکور ییغینده ایکی مملکت اورته‌سیده‌گی موجود تجاری قیین‌چیلیک‌لر حل ایتیلیشی اوچون سعی وحرکت قیله‌دیلر.
خراسان رضوی استان تجارت اتاغی نینگ رییسی، افغانستانده ایشلب چیقاریش و سرمایه تاتقیزیش‌نی ترغیب ایته میز دیگن و افغانستان‌دن هم ایرانلیک سرمایه یاتقیزووچی‌لر اوچون بعضی قُلی‌لیکلر یره‌تیش‌نی سوره‌گن.
صمدی، ایران افغانستان‌لیک ملی تاجرلر همده سرمایه یاتقیزووچی‌لری‌گه تورلی ساحه‌لرده همکارلیک قیلیش اوچون تیار ایکن لیگی باره‌سیده تاکیدله‌گن.
