افغانستان جمهور رییسی محمد اشرف‌غنی و اجراییه باشلیغی داکتر عبدالله عبدالله حکومت‌نینگ بلند مرتبه‌لی هیاتی باشچیلیگی‌ده ینگی ییل نینگ بیرینچی کونی رسمی تشریف بیلن امریکه‌گه سفر قیلدی‌لر.
ملی بیرلیک حکومتی‌نینگ رهبرلری مذکور سفرده امریکه جمهور رییسی بارک اوباما، بو مملکت جمهور رییسی نینگ اورین باسری جوبایدن، کانگرس باشلیغی، تشقی ایشلر و مدافعه وزیری، ناتو نینگ باش کاتبی و دنیا بانکی نینگ رییسی بیلن اوچره‌شیش‌لری کوتیله‌دی.
ایتیلیشیچه، مذکور سفرده تامانلر ارا افغانستان تینچ لیک لایحه‌سی، منطقه امنیتی، امریکا دولتی تامانی‌دن کورسه‌تیله دیگن همکارلیک‌لر و بو کومک‌لر تاثیری قنده‌لیگی کبی مساله‌لر اوستی‌ده هم بحث آلیب باریله‌دی.
جمهور رییس غنی مذکور سفردن آلدین عاموی اخبارات واسطه‌لریده اوشبو سفرنینگ کون ترتیبی مخصوص لیگی‌نی ایتگن ایدی.
شونینگ‌دیک مملکت رهبری پنج‌شنبه کونی واشنگتن‌نی نیویورک مقصدی‌ده ترک قیلیشی کوتیله‌دی. جمهور رییس غنی نویورک‌ده بیرلشگن ملت‌لر تشکیلاتی‌نینگ اداره‌سی‌ده بانک‌مون بیلن ملاقات قیلیشی ریجه لنتیریلگن.
افغانستان منطقه‌وی مطالعات مرکزی‌نینگ رییسی غفور لیوال اوشبو سفر مهم بولگن‌لیگی‌نی تیل‌گه آلیب ایتیشیچه، تامانلر ارا مهم مساله‌لر جمله‌دن خوف‌سیزلیک بیتیم عملی بولیشی اوچون بحث ایتیلیشی کیره‌ک.
لیوال‌گه کوره، تینچ‌لیک تامین ایتیلیشی فقط افغانستان و منطقه موضوعی ایمس، بلکه بو مساله دنیا اوچون ییریک اهیمت‌گه ایگه، موضوع‌نی امریکه قوشمه ایالت‌لری توشینیشی لازم.
شونینگ‌دیک مذکور سفرنی مهم بولگن‌لیگی‌نی اظهار قیلگن سیاسی تحلیلچی فاروق بشرگه کوره، رسمی کابل بیلن واشنگتن‌نینگ علاقه‌لری جمهور رییس حامدکرزی حکومتی نینگ پایانی‌ده سُست لشگن ایدی. ملی بیرلیک حکومتی‌نینگ رهبرلری امریکه‌گه قیلگن سفرلری اوشبو مساله قیته تیکلنیشی اوچون ییریک تاثیرگه ایگه دیدی بشر.
افغانستان وامریکه علاقه لرینی سُست له‌نیشی
افغانستان و امریکه علاقه‌سی سابق جمهور رییس حامدکرزی امریکه‌لیک حربی‌لر آرقه‌لی کیچکی عملیات‌لر جدی تنقید آستی‌گه آلینیشی شونینگ‌دیک رسمی کابل و واشنگتن اورته‌سیده‌گی اوزاق مدت‌لی خوف‌سیزلیک شرطنامه‌سی‌گه قول قوییلمس‌لیگی باعث سُست له‌شیش‌گه یوز توتگن ایدی.
افغانستان سابق جمهور رییسی نیچه مرته، امریکه دولتی مذکور مملکت‌گه یاردم کورستمه‌گن تقدیرده، باشقه دولت‌لردن همکارلیک سوره‌شی گه عاید مساله‌لرنی اظهار قیلگن ایدی. اوشبو سوزلردن کیین کرزی هندوستان‌دن حربی ساحه گه همکارلیک سوره‌گن ایدی.اما، اوشبو ایست‌گه اوشه زمان جواب سیز قالگن ایدی.
عین حالده، بو عکس العمل‌لردن کیین امریکه قوشمه ایالت‌لری یاردم‌لری لایحه‌سی اوزگرتیریلیشی توغریسی‌ده قرار قبول قیلیب، افغانستان‌دن بوتونلی حربی‌لرینی آلیب چیشنی اعلان قیلگن ایدی.
شونینگ‌دیک افغانستان‌ده ملی بیرلیک حکومتی وجودگه کیلگن‌دن سونگ امنیتی بیتیم‌گه قول قوییلیشی، اداره فسادگه قرشی کوره‌شیلیشی، یخشی حکومت چیلیک و ایکّی مملکت علاقه‌لری یخشی له‌نیشی اوچون جدی سعی حرکت‌لر آلیب باریلدی.
ایتیلیشیچه، افغانستان جمهور رییسی امریکه قوشمه ایالت‌لری نینگ سیاستی بیلن یخشی تَنیش، بو تَنیشلیک‌دن فایده له‌نیب ایکی مملکت علاقه‌سینی یخشی لش‌گه حرکت قیله‌دی.
ملی بیرلیک حکومتی نینگ رهبرلرینی مذکور سفرده تشقی ایشلر وزیری صلاح الدین ربانی، ملی امنیت مصلحتچی‌سی حنیف اتمر، ملی اردو کوچ‌لری نینگ مرکزی قوماندانی شیر محمد کریمی، ملی امنیت اداره‌سی باشلیغی رحمت الله نبیل، جمهور ریس‌لیک اداره‌سی نینگ ایش‌لری بوییچه رییسی عبدالسلام رحیمی، افغانستان انسان حق و حقوق‌لری کمیسیونی نینگ باشلیغی سیما سمر، جمهور ریس نینگ اقتصادی مصلحتچی‌سی حضرت عمر زاخیلوال، عالی تینچ لیک کینگشی کاتب‌لیگی رییسی معصوم استانکزی، جمهور رییس سوزلاووچی‌سی اجمل عبید عابدی، اجراییه ریسی‌نینگ سوزلاووچی‌سی مجیب‌الرحمن رحیمی و ایریم مصلحتچی لر یولداش‌لیک قیله‌دی.
ملی بیرلیک حکومتی ایجاد ایتیلگن‌دن بیری جمهور رییس غنی‌نینگ امریکه‌گه قیلگن بیرینچی سفری دیر.
افغانستان ملی بیرلیک حکومتی تاسیس ایتیلگن‌دن سونگ امریکه دولت مسوول‌لری افغانستان رهبرلریدن بو مملکت‌گه سفر قیلیشلرینی سوره‌گن ایدی‌لر.
