.png)
فوربز اقتصادی جورنالی هر ییل خلاق، تدبیرکار و آسیانینگ کیله‌جک نسلی‌نی رهبری بوله‌دیگن یاشلرنینگ رویخطی نی نشر قیله‌دی.
اوشبو رویخط گه 30 یاشردن قویی کمیده 300 خلاق، تدبیرکار و اساسچی بولگن یاش آسیا منطقه‌سی و 23 مملکت نماینده‌لیگی دن شامل بوله‌دی.
بو ییل مذکور رویخط‌ده افغانستاندن عادی اهالینی حیاتی گه اوزگریش کیریتیش اوچون سعی و حرکت قیله‌دیگن اوچ قیزنینگ آتی شامل دیر و بوندن آلدین هیچ قچان بونده‌ی بیر ایش بولمه‌گن و بو رویخط گه هم کیریتیلمه‌گن.
.jpg)
29 یاشیده بولگن شبانه بسیج راسخ، افغانستان رهبرلیک نهادی‌نینگ اساسچیسی دیر
شبانه، یاش رهبر و انسان سیور بیر مربی عنوانیده تانیلگن. او قیزلرگه تعلیمات کوریش زمینه‌سینی یره‌تگن. خانم راسخ، یاش بیر تدبیرکار عنوانیده تانیلگن.
سوله (افغانستان رهبرلیک مکتبی) قیزلر اوچون یاتاقخانه و باشقه امکانیت تیارله‌یدیگن بیرینچی اداره دیر. او، قیزلرگه تعلیمات بیرووچی خلق ارا کمپاین ایلچی‌لریدن بیری، تدیکس سوزلاوچی‌لریدن بیری، میلادی 2014- ییل‌ده نشنل جیوگرافیک جورنالی تامانیدن تانیشتیریلگن تدقیقاتچی و میلادی 2014- ییل‌ده سی ان ان انترنشنل تامانیدن تانیشتیریلگن عیال رهبرلردن بیری دیر.
.jpg)
27 یاشر بولگن فرشته کریم، چارمغز(ملی‌بس ده انترنتی کتابخانه) نینگ اساسچیسی دیر.
او افغانستانده محروم بولگن باله‌لرگه کتاب و باشقه تعلیمی مواد کیلتیره‌دی.
فرشته آکسفورد ده تحصیلی‌نی یکونلنتیرگن‌دن سونگ، افغانستان گه کیلیب، چارمغز کتابخانه‌سینی ایجاد قیلگن.
افغانستان کبی اوروش‌دن زیان کورگن مملکت ده ملی‌بس کتابخانه‌سی منظم شکلده کابل شهریده اوتیب قیته‌دی و اوروش، کم‌بغل‌لیک و ثبات‌سیز فضاده حیات کیچیرگن باله‌لرگه تعلیمات بیریش اوچون سعی و حرکت قیله‌دی.
.jpg)
26 یاشر بولگن تمنا عاصی، افغانستان عدلی علمی خذمت‌لر اداره‌سی نینگ برنامه‌لر بولیمی مدیری
خانم تمنا بیر داکتر حیثیده ایش قیله‌دی و افغانستان عدلی علمی خذمت‌لر نهادی‌نینگ برنامه‌لرینی مدیری دیر.
او 2016- ییلدن بویان افغانستانده غیراخلاقی عمللر و بکارت‌نی معاینه قیلینیشی‌گه قرشی کمپاین یولگه قوییگن.
خانم عاصی معلومات‌لرنی یوقاری ایلتیش و قربان بولگن‌لردن محافظت قیلیش اوچون مدافع وکیل‌لرگه تعلیمات بیرگن.
تمنا نینگ گروهی فعالیت‌لری باعث، میلادی 2017- ییل می آی‌ده بکارت‌نی آزمایش قیلیش و ناقانونی عمللر عیب تانیلدی.
خانم عاصی نینگ ساغلیک خصوصیده فعالیت قیلگنی باعث، او فوربز مجله‌سی تامانیدن تاثرلی شخص عنوانیده تانیلگن.
