افغانستان جمهور رییسی داکتر محمد اشرف غنی مملکت ملی مدافعه وزیرلیک تدارکات (آل و ساتیقچ) بولیمی ایریم ملازملری ایشینی وقتینچهلیک توختدی. شونینگدیک اولرنی مملکتدن چیقمس لیکلری سورهلگن. حکومت اجراییه باشلیغی داکتر عبدالله عبدالله، ناتو قوماندانی و افغانستانده امریکا نینگ قیته قوریش لایحه لرینی کوزه تهدیگن اداره (سیگار) رسمیلر بیلن اوتکزگن ییغینده، ملی مدافعه وزیرلیگینینگ ییتی کیلیشوو جملهدن ملی ارود کوچلرینی یاقیلغی مادهلر بیلن تأمین لاووچی بولیمنی تیکشیرگن. شونینگدیک اوشبو مادهلرنی خریدارلیک قیله دیگنلر نینگ ایشینی نا معلوم مدتگچه توختگن.
جمهور رییس نینگ سوزچیسی نظیفالله سالازی نینگ ایتیشیچه، جمهور رییس بو توغریده افغانستان ملی مدافعه وزیرلیگیگه تیگیشلی کیلیشوونی تیکشریب چیققندن سونگ قرار قبول قیلگن. افغانستان ملی مدافعه وزیرلیگی دهگی یاقلیغی مادهلرده بولگن 200 میلیوندن آشه دالرلیک اختلاس حقیده قرار قبول قیلیش جمهور رییس نینگ ینگی حرکتلریدن دیر.
جمهور رییس اشرفغنی نینگ سوزچیسی، مدافعه وزیرلیگینینگ ییریک کیلیشوو لریده کته مقدارده فساد موجولیگینی ایتگن. شونینگدیک مساله جدی تیکشیریلگندن سونگ، افغانستان ملی مدافعه وزیرلیگیگه تیگیشلی ییریک کیلیشوولر افغانستان جمهور رییس داکتر اشرفغنی رهبرلیگیده شرایطگه ماس بولگن شرکت لرگه بیریلهدی.
ییغینده سوزلهگنلرگه کوره، جمهور رییس غنینینگ تاکیدلب ایتیشیچه، ملی مدافعه وزیرلیگینینگ ییریک کیلیشوولریده شفافیتنی کوزهتیش ملی بیرگهلیک حکومت اداری فسادگه قرشی کورهشیش برنامه لریدن بولگن. ملی بیرگهلیک حکومتی، مملکتده پاره آلیش و پاره بیریشنی ایلدیزدن یوقهتیش باره سیدهگی قراریده اشبو وزیرلیک ییریک کیلیشوویگه قولی بولگن رسمیلرنینگ وقتینچهلیک ایشدن چیکلهنیشی، اولرنینگ مملکتدن چیقیمس لیکلری، مساله گه عاید دوسیهلر جمهور رییسلیک سراییگه کیلتیریلیشی، افغانستان قیته قوریش ایشلری بوییچه ادارهنی جمهور رییسلیک تشکیلاتیگه قوشیلیشی، خوف سیزلیک و مدافعهوی ادارهلر ناحربی بولیشی اوشبو ییغینده جمهور رییس غنینینگ آلگن ییریک قرار لری جمله سیدن. افغانستان خوف سیزلیک اداره لری مملکت نینگ کته مقدارده بودجه سینی صرفلیی دیگن ادارهلردن. ایتیلیشیچه، هر ییلی خوف سیزلیک کوچلری اوچون تورت میلیاد دالر اجره تیلهدی.
