افغانستان شفایت‌نی کوزه‌توچی اداره، پول یوویش، اداری فساد و باشقه ناقانونی مالی جریان‌لر مملکت 65% مالی سیستمی‌نی تشکیل ایته‌دی دیگن.
بو اداره‌نینگ اجراییه مسوولی سید اکرام افضلی بوگون (پنج‌شنبه) کابل‌ده اوتکزیلگن بیر خبری انجمن‌ده، افغانستان‌ده ییلده 70 میلیارد دالرلیک تریاک ایشلب چیقاریلیب و قاچاق ایتیلیشی‌نی ایتگن. بو مقدارده‌گی مبلغ پول یوویش آرقه‌لی قانونی مالی ایله‌نیش اوته‌دی.
جناب افضلی‌گه کوره، افغانستان‌ده حاضرگی اداری فساد، ناقانونی مالی آقیم فعالیتی اوچون شرایط یره‌ته دی. شونینگ‌دیک بو مملکت ییلده میلیاردلب دالرنی ناقانونی و پول یووش باعث قول‌دن بیره‌دی.
شفافیت‌نی کوزه‌توچی اداره‌نینگ اجراییه مسوولی، پول یووش ناقانونی پول المشتیریش افغانستان‌ده ترورچیلر کوچله‌نیشی و اوروش جانله‌نیشی گه سبب ایکن توغریس‌یده تاکیدله‌گن.
افغانستان حکومتی و دنیا هم جمعیتی‌نی تنقید قیلگن جناب افضلی، حکومت ناقانونی مالی آقیم‌لرگه ضد کوره‌شیش اوچون موفق بولیمی و دنیا همجمعی‌تی هم بو توغریده اعتبار بیرمه ن دیگن.
اونینگ سوزلریگه قره‌گنده، دنیا جماعه‌چیلیگی فسادگه قرشی کوره‌شیش اوچون صادق بولگن‌ده ایدی، پول یووش و ناقانونی مالی جریانلرده قولی بولگن شخص‌لرنینگ نامی‌نی فاش قیلیشی کیره‌ک ایدی.
قانون نظارت ایتلیشی، فسادگه قرشی کوره‌شیش اوچون معین لایحه بولیشی، پول یووش‌گه جدی مقابله قیلیش، نا قانونی تجارت آلدی آلینیشی و ترورچیلر مالی حمایت بولیشی‌نینگ آلدی آلینیشی افغانستان شفافیت‌نی کوزه‌توچی اداره‌سی نینگ مملکت مالی سیستمی‌نی تکاملشتیریش اوچون قیلگن تکلیف‌لریدن سنه‌له‌دی.
کون ساین دولت اداره‌لریده اداری فساد آشیشی و حکومت‌نی بو پدیده گه قرشی کوره‌شیشی اوچون کوچ‌سیزلیگی خلق‌نینگ افغانستان دولتی‌دن ناراض ایکن لیگی‌نی سبب لریدن حسابلنه‌دی. تحلیلچی‌لرگه کوره، حکومت اداری فسادنی قیسقرتیریش اوچون قتیق سعی و حرکت آلیب بارمه‌گن حالده، باشقه قیین‌چیلیک‌لر یانیده بو معما هم حاضرگی دولت‌نی تونتریلیشی‌گه سبب بولیشی ممکن.
