.jpg)
دنیا سوداگرلیک تشکیلاتی یا WTO کنیا باشکینتی نایروبی شهریده اوتکزیله‌دیگن عمومی ییغینده، افغانستاننی مذکور تشکیلات عضو حیثی‌ده تنله‌نیش خصوصیده قرار قیلنه‌دی. رسمی‌لر بو حرکتنی اولکه اقتصادی ایاققه توریشی دیب، اولتیریشنی جدی صورتده کوته‌دیلر.
سوداگرلیک وزیرلیگی سوزلاوچیسی مسافر قوقندی‌نینگ سلام‌وطندارگه ایتیشیچه، بو تشکیلاتده افغانستان عضویت آلیشی اونملی بیر مسأله بولگن و عضو بولگن صورتده، مملکت‌ده ایچکی تولیداتی ساتیلیش اوچون دنیا بویلب 164 مملکت‌ده یول تاپه‌دی.
جناب قوقندی، مذکور تشکیلات عضویتی کسب ایتیلیشی باره‌سیده بوله‌دیگن اولتیریش اوچون هرتامانلمه تیارگرلیکلر آلینگن دیدی.
خلق ارا سوداگرلیک تشکیلاتی 164 مملکت اعضالیگی‌ده بولیب بو تشکیلاتده عضو بوله‌دیگن اولکه‌لر، مذکور مملکت‌لر کوپچی‌لیک ایجابی آوازینی آلیشی لازم.
سوداگرلیک و صناعی اتاقلری هم مذکور تشکیلات لیستی‌ده افغانستاننی عضو بولیشی اوته مهم دیب بیله‌دیلر و بو تشکیلات برچه شرایطی‌گه اوزنی تیارقیلگن میزدیدی.
.jpg)
صنعت و سوداگرلیک اتاقلری اورین باسری خان‌جان الکوزی‌نینگ سلام‌وطندارگه ایتیشیچه، حاضرهم افغانستان ایریم بولیم‌لرده سنتی حالده قالگن و برچه تولیداتلرنی دنیا معیارلریگه برابر قیلیشی‌نی جدی صورتده کوزگه توته‌دی.
عین حالده، اقتصادی ایش بیلرمانلرهم خلق ارا سوداگرلیک تشکیلاتی‌ده افغانستان عضویتی‌نی کته یوتوق و فرصت دیب بیله‌دی.
اقتصادی ایش بیلرمان و بیلیم یورت استادی سید مسعودنینگ ایتیشیچه، اوشبو تشکیلات لایحه‌سی اساسیده، افغانستان ایکینیچ‌لیک صناعتی‌نینگ هرتامانلمه رواجلنتیریش لازم و بو تشکیلاتده افغانستان عضویت آلیشی بیلن کوپلب قیین‌چیلیکلری حل ایتیلیشی کوتیله‌دی.
خلق ارا سوداگرلیک تشکیلاتی میلادی 1995- ییل ایجاد ایتیلدی و برچه دنیا مملکت‌لری اوشبو تشکیلات عضویتی‌نی قولگه کیریتیش خصوصیده سعی و حرکت قیله‌دی.
میلادی 2004- ییل افغانستان بو خلق ارا تشکیلاتده ناظر حیثی‌ده چقیریلدی، 2009- ییلده سوداگرلیک ایسلتمه‌لرینی مذکور تشکیلاتگه عضو بولیش اوچون یوباردی WTO عضوی بولگن اولکه‌لر افغانستان اوچون 168 سوراق تیارلب یوباردیلر و بو سوراق‌لرگه 2010- ییل افغانستان تامانیدن جواب‌لر یوباریلدی. اوشبو ییلدن باشلب افغانستاننی بو تشکیلاتگه عضو بولیشی اوچون سوزله‌شیشلر باشلنگن ایدی.
