افغانستان جمهور رییسی محمداشرف‌غنی بوگون توش‌دن آلدین امریکه قوشمه ایالت‌لری‌نینگ سنامجلس اعضاسی جان مکین بیلن اوچره‌شدی.
جمهور رییس‌لیک سرایی‌ده اوتکزیلگن مذکور اوچره‌شووده تامان‌لر ارا ایکی مملکت علاقه‌سی مستحکم‌له‌نیشی، ترورچی‌لیککه قرشی کوره‌شیش، منطقوی همکارلیک‌لر کوچله‌نیشی و امریکه دولتی اینیقسه کانگرس افغانستان‌دن دایمی حمایت قیلیشی کبی موضوع‌لر اوستیده بحث ایتیلگن.
جمهور رییس‌غنی سناتور جان مکین‌نی افغانستان‌گه قیلگن تشریفی‌نی خوش قرشیلب امریکه قوشمه ایالت‌لری‌نینگ تورلی ساحه‌لرگه کورستگن همکارلیگی همده افغانستان‌ده ترورچی‌لرگه قرشی کوره‌شیش اوچون او مملکت حربی‌لری نینگ آلیب بارگن سعی وحرکت‌لریدن اوز منتدارچیلیگی‌نی اظهار قیلگن.
شونینگ‌دیک جمهور رییس غنی همده جان مکین ترورچی‌لر فقط افغانستان اوچون ایمس، بلکه منطقه و دنیا امنیتی اوچون ییریک تهدید بولگن‌لیگی‌نی ایتگن‌لر.
اوچره‌شوو سونگی‌ده امریکه قوشمه ایالت‌لری‌نینگ سنا مجلس اعضاسی جان مکین مملکتی نینگ ینه بیر بار افغانستان حکومتی‌دن اوزاق مددتگچه حمایت قیلیشی‌دن ایشانچ بیرگن.
