افغانستان بوییچه ملی حسابات و معلومات اداره‌سی نینگ اعلان قیلیشیچه، جاری قویاش ییل‌ده مملکت جمعیتی نینگ رقمی کمیده 32.9 میلیون کیشی حسابلنگن.
بوگون «دوشنبه، 12- جوزا» ملی حسابات و معلومات اداره‌سی تامانیدن ترقه‌تیلگن قویاش 1399- ییل‌ده مملکت جمعیتی‌نی حسابلش نشریه‌سیده کیلیشیچه، بو جمله دن کمیده 16.8 میلیون کیشی «51%» نی ایرکک‌لر و 16.1 میلیون کیشی «49%» نی عیاللر تشکیل بیره‌دی.
اوشبو نشریه ده کیلیشیچه، 32.9 میلیون کیشی دن 23.4 میلیون کیشی «71%» نی قیشلاقی‌لر، 8 میلیون کیشی «24.4%» شهری‌لر و باشقه 1.5 میلیون کیشی «4.6%» نی کوچی‌لر تشکیل بیره‌دی.
مذکور نشریه ده ملی حسابات و معلومات اداره‌سی نینگ ایتیشیچه، مملکت ده قویاش 1399- ییل‌ده حسابلنگن جمعیت گه 34 ولایت «364 اصلی تومن، 24 وقتینچه‌لیک تومن و 34 ولایت نینگ مرکزی شامل بوله‌دی.»
ایتیش کیره‌ک کیم، اوتگن ییل مملکت نینگ بوتون جمعیتی 32.2 میلیون کیشی تخمین ایتیلگن ایدی و بو رقم گه 16.4 میلیون ایرکک و 15.8 میلیون عیال شامل بولگن.
