بوگون «شنبه» کابل‌ده «عایله ریجه‌لشتیریش‌گه قیته‌تیکلش» نامی‌ده یولگه قوییلگن ییغینده ساغلیق‌نی سقلش وزیری فیروزالدین فیروزنینگ ایتیشیچه، عایله ریجه‌لشتیریش برنامه توغری بیر شکلده عمل‌گه آشیریلمه‌گن صورتده، مملکت جمعیتی میلادی 2040- ییل‌گچه 60 میلیون گه آشه‌دی.
ساغلیق‌نی سقلش وزیری‌نینگ ایتیشیچه، اولرنینگ عایله ریجه‌لشتیریش‌دن بولگن مقصدی، باله توغیش‌نی توخته‌تیش ایمس؛ بلکیم باله دنیاگه کیلتیریش‌نی آره‌سیده فاصله ایجاد قیلیش بولگن.
اونگه کوره، باله دنیاگه کیلتیریش آره‌سی اوزه‌تیلگن صورتده، آنه و باله‌نینگ ساغلیگی یخشی بوله‌دی و قان کم‌لیگی و توییب آوقت‌لنمس‌لیک کسل‌لیک‌لری کم بوله‌دی.
فیروزنینگ کوپه‌یتیریشیچه، مملکت‌ده حاضرگچه عایله ریجه‌لشتیریش برنامه‌نی 20% عمل‌گه آشیریلگن و اولر میلادی 2020- ییل‌گچه بو رقم‌نی 30% گه ییتیشتیریش خصوصیده سعی و حرکت قیله‌دی.
اونینگ علاوه قیلیشیچه، منبع کم‌لیگی باعث، جمعیت ایکی برابر بولیشی اهالی و حکومت‌نی کوپینچه قیین‌چیلیک‌که روپه‌ره قیله‌دی.
عین حالده، اوشبو برنامه‌ده ایریم ولایت‌لردن اشتراک قیلگن همشیره‌لردن بیرقطاری، عایله ریجه‌لشتیریش خصوصیده عیاللرنی آگاه‌لنتیریش بولیمی‌ده ایش کوچی کم‌لیگی‌دن شکایت قیلگن‌لر.
بو برنامه‌ده دایکندی ولایتیدن اشتراک قیلگن همشیره‌لردن بیری عاقله صالحی‌نینگ ایتیشیچه، باله توغدیریش و عیاللرگه خاص کسل‌لیک‌لرنی دارولش یانیده، عایله ریجه‌لشتیریش بولیمی‌ده معلومات بیریش ایشلری بیلن شغللنه‌دی.
اولر ساغلیق‌نی سقلش وزیرلیگی‌دن عایله ریجه‌لشتیریش برنامه عمل‌گه آشیریلیشی و عیاللرگه معلومات بیریلیشی خصوصیده، ایشلاوچی‌لر کوپه‌یتیریلیشی‌نی سوره‌گن‌لر.
ساغلیق‌نی سقلش وزیرلیگی مسؤوللری‌نینگ ایتیشیچه، عایله ریجه‌لشتیریش‌گه خاص حاضرگی دارولرگه نسبتن صفت‌لی و ارزوان دارولرنی اهالی‌نینگ اختیاریده قوییش خصوصیده، سعی و حرکت قیلماقده‌لر.
شونینگدیک، اوشبو برنامه‌ده عیاللر وزیرلیگی‌نینگ مسؤوللری، عایله ریجه‌لشتیریش برنامه‌سی توغریسیده معلومات بیریش برنامه‌لر کوپه‌یتیریلیشی اوستیگه تأکید قیلگن‌لر.
