تینچلیک عالی کینگشی سوزلاوچیسی اورین باسری اسدالله زایری نینگ سلام‌وطندارگه ایتیشیچه، روسیه تشقی ایشلر وزیرلیگی ایرته تینچلیک و ایکی مملکت علاقه‌سینی یوز ییل‌لیگینی نشانلش اوچون ایرته مسکوده بیر ییغین اوتکزیلیشی خصوصیده قرار قیلگن.
جناب زایری گه کوره، بو ییغینده تینچلیک عالی کینگشی باشلیغی محمدکریم خلیلی و مملکت سیاسی سیمالریدن باشقه بیرقطاری اشتراک قیلیشی ممکن و بو ییغینده طالبان گروهی هم چقیریلگن.
عین حالده، مملکت سابق جمهور رئیسی حامد کرزی نینگ دفتری تامانیدن نشر ایتیلگن خبرنامه‌ده ایتیلیشیچه، جناب کرزی مذکور ییغین گه اشتراک قیلیش اوچون بوگون مسکو نیتی گه کابل نی ترک قیلگن.
تینچلیک عالی کینگشی سوزلاوچیسی اورین باسری نینگ کوپه‌یتیریشیچه، اوشبو ییغینده ایکی مملکت علاقه‌سینی یوز ییل‌لیگی دن نشانلشی گه علاوه، تینچلیک جریانی خصوصیده هم جدی شکلده بحث قیلینه‌دی.
جناب زایری گه کوره، بو ییغین تینچلیک جریانی یخشی‌لنیشی و افغانستانلیک‌لر ارا سوزلشوولر اوچون زمینه یره‌تیلیشی خصوصیده یولگه قوییله‌دی.
ایتیش کیره‌ک کیم، افغانستان تینچلیک جریانی خصوصیده مسکو ییغینی بیرینچی دوری اوتگن ییل، 16- دلو ده سیاسی سیمالردن بیرقطاری و طالبان گروهی نینگ نماینده‌لرینی اشتراکی‌ده اوتکزیلگن ایدی.
شو توغریده…
طالبان گروهی و تانیقلی سیاسی سیمالر یوزمه یوز بولدی؛ مسکو ییغینی
