بوگون «شنبه» کابل‌ده خبری بیر ییغین اوتکزگن جمهور رئیس سوزلاوچیسی هارون چخانسوری‌نینگ ایتیشیچه، افغانستان حکومتی تامانیدن تصدیق‌لنیب و رخصت بیریلمه‌گن صورتده، طالبان گروهی‌نینگ رهبرلرینی آت‌لری بیرلشگن ملت‌لر تشکیلاتی‌نینگ قاره رویخطی‌دن چیقاریلمه‌یدی.
چخانسوری گه کوره، افغانستان حکومتی طالبان گروهی بیلن قید و شرط‌سیز مذاکره قیلیش گه حاضر دیر؛ بیراق مذکور گروه بیلن قید و شرط‌سیز تینچلیک بولمه‌یدی.
اونینگ ایتیشیچه، حکومت 17 ییل لیک یوتوقی قیزیل چیزغی دیر و معامله بولمه‌یدی.
افغانستان تینچلیک لایحه‌سی بوییچه آمریکا خاص نماینده‌سی زلمی خلیلزادنینگ توییتر صحیفه‌سیده یازیشیچه، افغانستان بوییچه روسیه‌نینگ خاص نماینده‌سی ضمیر کابلوف بیلن صورت تاپگن سونگی اوچره‌شووده، بیرلشگن ملت‌لر تشکیلاتی تامانیدن طالبان گروهی‌نینگ نماینده‌لریگه سفر قیلیش حجت‌لر صادر ایتیلیشی خصوصیده صحبت اوتکزیلگن.
جمهورلیک ریاستی سوزلاوچیسی‌نینگ کوپه‌یتیریشیچه، افغانستان حکومتی، پاکستان‌نینگ راکتی هجوم‌لرینی، بیرلشگن ملت‌لر تشکیلاتی‌نینگ خوفسیزلیک کینگشی‌گه مطرح قیلگن و اوشبو سازمانی پاکستان بیلن جدی صورتده برخورد قیلیشی توغریسیده امیدوارلیک‌لر بار.
