بوگون «پنج‌شنبه» حامد کرزی خلقارا هوایی قونالغه‌سیده حکومت رسمی‌لری و خصوصی بولیم ملازم‌لری تامانیدن افغانستان، روسیه، چین، اروپا بیرلشمه‌سی و هندنینگ بوتون شهرلرینی هوایی دهلیزلری آچیلدی.
هوایی دهلیزلر آچیلگنیدن سونگ، افغانستان بیرینچی ایچکی محصولاتی اروپا و آسیا مملکتلریگه یوباریلدی.
مملکت صنعت و سوداگرلیک وزیرلیگینینگ مالی و اداری اورین باسری اجملحمید عبدالرحیمزینینگ ایتیشیچه، اوشبو دهلیزلر آچیلیشی بیلن، افغانستان حکومتی و ایچکی سرمایه یاتقیزووچیلر قولیلیککه سوداگرلیک مقصدلریگه قول تاپهآلهدی.
جناب عبدالرحیمزی گه کوره، حکومت خصوصی سکتورلرنی کوچلی قیلیش اوچون سعی و حرکت قیلماقده و خصوصی سکتورنینگ رشد قیلیشی مملکت اقتصادی نظامینینگ رشد قیلیشی گه سبب بولهدی.
عبدالرحیمزینینگ ایتیشیچه، اوتکن ییلگه قرهگنده افغانستان صادراتی 32 فایزی کوپهیگن.
افغانستان صنعت و سوداگرلیک اتاقینینگ اورین باسری خانجان الکوزینینگ خصوصی سکتورلردن حکومتنینگ حمایت ایتیشیدن ستایش قیلیب ایتیشیچه، حکومتنینگ اوشبو حرکتی افغانستاننی منطقه و دنیا مملکتلری بیلن رابطهسینی یخشی لنتیرهدی.
جناب الکوزی گه کوره، هوایی دهلیز قوریلیشی بیلن بیرینچی مرته افغانستان قرهقلی 30 ییلدن سونگ اورپا بازارلریگه بارهدی. جناب الکوزی گه کوره، هوایی دهلیز سوداگرلرنینگ تشویق بولیشیگه سبب بولهدی.
صنعت و سوداگرلیک اتاقی مسووللرینینگ ایتیشیچه، افغانستان هوایی دهلیزلری فعال بولگن دن حاضرگهقدر 3 مینگ 200 تن سوداگرلیک محصولات اوشبو یول آرقه‌لی باشقه مملکتلرگه صادر بولگن.
