بوگون شنبه حوت آیینینگ 8- سی دنیا بویلب خلق ارا اورمان کونیگه تینگ دیر.
بوکون افغانستانده مملکتنینگ بوتون اورمانلری جدی روشده نابودلیککه یوز توگن بیر پیتده نشانلماقده.
اوشبو کوننی نشانلهگن شرق سلامتلیک انجمنی افغانستان اورمانلری جدی سیکینلشگنگه یوز توتگن لیگیدن خبر بیرگن.
انجمن اعضالریگه کوره، افغانستان ایچکی اوروشلر گواهی بولمسدن آلدین مملکتده 1.7 میلیون هکتار ییرده اورمان بولگن حاضر ایسه بو رقم 700 هکتار ییرگه قیسقرگن.
ایتیلشیچه، اورمانلرنی کیسیش کوپینچه زوروان شخصلر تامانیدن عملی ایتیلهدی.
ییغینده سوزگه چیققن شرق سلامتلیک انجمنینینگ رییسی سیدحبیبالله اروالگه کوره، ننگرهار، پکتیا، خوست، سمنگان و نورستان ولایتلریده چمهسی بیر میلیون هکتار ییرده درختلر نابود ایتیلگن.
جناب اروال، اورمانلر همده درختلرنی نابود قیلشده دولت رسمیلری همده مافیایی گروهلرنینگ اساسی رولی بولگن لیگینی ایگن.
اونینگ سوزلریگه کوره، درختلرنینگ یغاچی کیسیلیب کنر ولایتی نینگ دانگام ولسواللیگی آرقهلی پاکستانگه ییتکزیلهدی.
شونینگدیک اروال، سوو تاشقینلری، قارکوچگیسی و هوا افلاس لیگینی اورمانلر نابود ایتیلیشی اوچون بشقه بیر عامل ایکنلیگینی بیلدیرگن.
خوست ایکینچیلیک ادارهسی نینگ معاونی دکتور نقیبالله گه کوره، ولایتنینگ زدران و تنیو ولسواللیکلریده اورمانلر سیر روشده کیسیلهدی.
نقیبالله، منطقه نینگ قوم یاش اولوغلری بوندن بویان اورمانلرنی کیسمسلیک همده باشقهلرگه هم اورمانلرنی کیسیش اوچون رخصت بیرمس لیکلری توغریسیده قرار قبول قیلگنلیکلرینی بیلدیرگن.
شونینگدیک نورستان ولایتینینگ اهالیسی هم اورمانلر کیسیلیشیدن خواطر بیلدیریب، رسمیلردن بو مساله اوچون بیفرق قالمسلیکلرینی سورهگنلر.
شرق سلامتلیک انجمنینینگ ییغینیده اطراف محیطنی تازه سقلش ادارهسی نینگ رییسی عزت الله صدیقی هم سوزگه چیقیب، اورمانلر مملکتنینگ ملی بانکلردن سنلهلیشینی ایتگن.
شونینگدیک جناب صدیقی 35 ییل اوروش آقیمیده باشقه طبیعی منبعلر کبی اورمانلرگه هم جدی زیان ییتگن لیگینی بیلدیرگن.
هر ییل مملکت بویلب یوزلب کوچت ایکیلهدی، اما، ایریم شخصلر کوچتلرنی ثمرگه ییتیشی اوزاق وقتنی طلب قیلگنی سبب نابود بولگن اورمانلرنی یقین قیسقه مددتده قیته تیکلش آسان ایمس لیگینی ایتهدیلر.
