بوگون «شنبه» کابل‌ده خبری بیر ییغین اوتکزگن افغان عیاللر ترماغی اعضالری نینگ ایتیشیچه، افغانستان اهالیسی معلوماتی‌دن خبرسیز بولگن بیرچاغده، آمریکا و طالبان نماینده‌لری آره‌سیده تینچیلیک کیلیشوونامه‌سی امضاءلنیشی ایشانچسیزلیک و تینچلیک سوزلشوولر جریانی کوچسیزلنیشی گه سبب بوله‌دی.
اولرگه کوره، افغانستان اهالیسی نینگ تقدیری سیاستچی‌لرنینگ قرارلریگه باغلیق ایمس و اهالی تقدیرلرینی تعیین‌لش ده سهم آلیش‌لری کیره‌ک.
افغان عیاللر ترماغی نینگ اعضالری، وقتینچه‌لیک حکومت ایجاد ایتیلیشی نی افغانستان اهالیسی اوچون قبول قیلینمس دیب ایتیشیچه، وقتینچه‌لیک حکومت ایجاد ایتیلیشی توغریسیده بولگن گزارشلر تبلیغات دیر.
اوشبو خواطرلر بیان ایتیلگن بیرچاغده، میدیالردن ترقه‌تیلگن ایریم گزارشلر اساسیده، آمریکا و طالبان نماینده‌لری آره‌سیده 19- اگست، افغانستان مستقللیگی نینگ یوز ییل‌لیگی دن نشانلش کونیده تینچیلیک کیلیشوونامه‌سی امضاءلنیشی خصوصیده قرار قیلینگن. ایتیلیشیچه، تینچیلیک کیلیشوونامه‌سیدن بیر بولیمی وقتینچه‌لیک حکومت ایجاد ایتیلیشی دیر.
شو توغریده…
