بوگون اسد آیی‌نینگ 9-سی انسان قاچاقی‌گه قرشی کوره‌ش خلق ارا کونی‌گه تینگ. امریکا تشقی ایشلر وزیرلیگی‌نینگ بیاناتی‌ده، افغانستان 2016- ییل رویخطی‌ده انسان قاچاق ایتیلیشی لحاظدن ایکینچی اورین‌ده تورگن.
(FRD) یا – ده بو ساحه فعالیت قیله دیگن تشکیلات‌لر اشتراکیده اوتکزیلگن ییغین‌ده سوزگه چیققن‌لر افغانستان اورنی اوزگرمه گن‌لیگی توغریسیده اشاره قیلیب، مملکت‌ده انسان قاچاقی هنوز آشگن لیگی‌نی تیل‌گه آلگن‌لر.
ترقیات و امداد مسوسه‌سی باشلیغی محمد شعیب ناصری نینگ ایتیشیچه، امریکا قوشمه ایالت‌لرینینگ ییل‌لیک گزارشی‌ده، دنیاده هر 30 ثانیه ده بیر انسان قاچاق قربانی بوله‌دی.
امداد و ترقیات نا دولت تشکیلاتی بیر بیانات نشر قیلیب، ملی بیرلیک حکومتی‌نینگ رهبرلریدن قوشنی مملکت‌لر همکارلیگی بیلن انسان قاچاقی آلدی آلینییشی اوچون قرشی کوره‌ش‌نی سوره‌گن.
افغانستان بوندن آلدین 2010دن 2013- ییللرده «watch list» دنیا بولیب انسان قاچاق ایتلیش لحاظدن ایکینچی اورین‌ده تورگن ایدی. بو تشکیلات ملی و خلق ارا اداره‌لردن بو توغریده افغانستان حکومتی‌گه یاردم بیریش‌لرینی طلب قیلگن.
موجود حسابات‌لرگه قره‌گنده قاچاق ایتیله دیگن انسانلرنی 80%نی خاتین قیزلر تشکیل ایته‌دی. بوتون قاچاق ایتیله دیگن توپلم دن 46% جنسی سوء استعمال بولیش اوچون قاچاق قیلینه‌دی. عین حالده، خاتین – قیزلرنی قاچاق ایتیش پاکستان همده فارس کورپزی‌نینگ ایریم دولت‌لریده آشگن‌لیگی ایتیله‌دی.
