افغانستان بیرینچی سوداگرلیک یوکی نی کیلسی هفته‌ده کابلدن جده گه یوباریلیشی ممکن.
جمهورلیک ریاستی‌نینگ مالی و بانکدارلیک ایشلری بوییچه مصلحتی دفترینی عامهوی علاقه بولیمی‌نینگ مسؤولی سمیر رسانینگ ایتیشیچه، اوشبو یوک، 9 کون آلدن کابل و ریاض آره‌سیده امضا اتیلگن کیلشونامه اساسیگه یوباریله‌دی.
جناب رسا گه کوره، حاضرگچه افغانستان – ترکیه، افغانستان- هند و افغانستان- قزاقستان هوایی دهلیزلری آرقه‌لی 100 اوچیش صورت تاپیب و اوشبو اوچگن اوچاغ‌لرگه یرلشتیریلگن سوداگرلیک کالالر ارزشی کمیده 51 میلیون امریکالیک دالرگه یتیشگن. انه‌شو سبب مذکور کالالرنینگ انتقال تاپیشی افغانستان اوچون منفعت‌لی بولگن.
جناب رسانینگ ایتیشیچه، افغانستان- اروپا و افغانستان- دبی آره‌سیده هوایی دهلیز قوریلیش خصوصیده سعی و حرکت لر باشلنگن و اوشبو دهلیزلرنی تیزلیک‌که آچیلیشی ممکن.
جمهورلیک ریاستی‌نینگ مالی و بانکدارلیک ایشلری بوییچه مصلحتی دفترینی عامهوی علاقه بولیمی‌نینگ مسؤولی گه کوره، سرمایه یاتقیزوچی‌لردن حمایت ایتیش اوچون سوداگرلرگه ییر بیریش و صنعتی پارک‌لر توزه‌تیش حکومت‌نینگ باشقه لایحه لریدن دیر.
اونینگ ایتیشیچه، حاضرگه‌قدر سرمایه یاتقیزیش توغریسیده 39 شرکت‌نینگ ایستک‌لری آلینگن و بوندن آلدن پاکستانده سرمایه یاتقیزگن 300 ایش‌خانه هم اوشبو لایحه‌گه قوشیلگن دیر.
