باشکنت یشاوچی‌لریدن بیرقطاری، افغانستانلیک مهاجرنینگ ایرانده قیناققه سالنگنی‌نی انسانیت‌گه قرشی عنوان قیلگنلر.
اولر کابلده بیر اعتراض یولگه قویب مملکت تشقی ایشلر وزیرلیگی‌دن افغانستان بوییچه ایران نینگ ایلچی‌سینی چقیریب و اوشبو مملکت ایلچی‌لیگی باغله‌نیشی‌نی سوره‌گنلر.
اعتراضچی‌لرنینگ مملکت تشقی ایشلر وزیرلیگی‌نی باشقه مملکت‌لرده بولگن افغانستانلیک مهاجرلر خصوصیده دقت‌سیزلیک‌که عیب‌لب ایتیشیچه، اوشبو وزارت مسووللری نینگ دقت‌سیزلیگی باعث، ایران و باشقه مملکت‌لرده بولگن افغانستانلیک مهاجرلر جدی قیین‌چیلیک‌لر بیلن روپه‌ره بولگن.
اوتگن هفته اجتماعی ترماقلرده ترقه‌تیلگن ویدیوگه کوره، افغانستانلیک بیر مهاجر ایران نینگ قشم جزیره‌سیده قیناقلنهدی.
بو توغریده مملکت تشقی ایشلر وزیرلیگی فکرینی آلیش اوچون سعی و حرکت قیلدیک، بیراق موفق بولمه‌دیک.
تشقی ایشلر وزیرلیگی، بوندن آلدین اجتماعی ترماقلرده ترقه‌تیلگن ویدیو خصوصیده تیکشیریش‌لر باشلنگنی‌دن خبر بیرگن ایدی.
افغانستان بوییچه ایران نینگ ایلچی‌لیگی هم بو موضوع تیکشیریلیشی‌نی بیلدیرگن.
افغانستان نینگ ایرانده‌گی ایلچی‌لیگی هم بیر بیانیه آرقه‌لی، بو موضوعی تشقی ایشلر وزیرلیگی بیلن شریک قیلگنی‌نی ایتیب و بو توغریده تحقیقات‌لر باشلنگنی‌نی بیلدیرگن.
بو بیرینچی مرته ایمس‌که افغانستانلیک مهاجرلر ایرانده قیناققه سالینه‌دی. بوندن آلدین هم اجتماعی ترماقلرده ترقه‌تیلگن بیر ویدیو افغانستانلیک مهاجرلرنی قیناقلنیشی نی کورسته‌ریدی.
اوپیتده هم ایران نینگ کابلده‌گی ایلچی‌لیگی مذکور واقعه‌گه قرشی‌لیک کورستیب و ایران حکومتی تامانیدن تیکشیریلیشی‌نی بیلدیرگن ایدی.
