اون ییل آلدین افغانستان‌ده هیچ بیر عیال عامه خلق حضوریده هیداوچیلیک قیلیش‌ده جرأت ایتمسدی. اما، ترافیک ریاستی نینگ مسووللری، اخیرگی ییللرده عیال موتر هیداووچیلر سانی آشگن لیگی‌دن خبر بیردیلر.
کابل ترافیک اداره‌سی نینگ عمومی مدیری سید محبوب سادات، جاری ییل باشلنگن‌دن بیری 350 عیال هیداووچیلیک کورسینی آلگن‌دن کیین حجتی آلگنلر دیگن.
جناب سادات، هیداووچیلیک‌نی اورگه‌تیش صنفلری هر بیر باسقیچ‌ده اوچ هفته عیاللرگه تیکین درس بیره‌دی دیدی.
عین حالده، عیال هیداوچیلرگه کوره، ایرکک و عیال بولیشی‌دن قطع نظر هر بیر کیشی موتر هیده‌شنی اورگه‌نیشی اوچون احتیاج بار. لیکن، عیاللر قطار ایرککلرنینگ بولر بولمس آغیر گپلرینی بار- بار ایشیگن‌دن سونگ موتر جلویگه اولتیرگنلر.
بو خاتینلردن بیری لیمه امیریگه کوره: «هیداوچیلیک‌نی بیلمه‌ی قیینچیلیک تاپیلگن حالده، خانه‌دان ایرکیگی‌نی کوتیب اولتیریش‌گه توغری کیله‌دی؛ کوپینچه موردلرده عیالهنینگ ایرکگی کیلگونچه کوتیلمه‌گن واقعه یوز بیریشی ممکن»
سروین سلطانی نینگ سوزلریگه قره‌گنده، موترینی اوییدن چیقاریش بیلن کوچه‌ده‌گی ایرککلرنینگ مینگلب قوپال سوزلریگه گواه بوله‌دی.
افغانستان‌ده عیاللر هیداوچیلیگ قیلیشی توغریسیده فکر بیلدیرگن فعال عیال سمیرا حمیدی، افغانستان کبی سنتی بیر جمیعت‌ده کمدن – کم عیاللر موتر هیده‌ش‌گه جرت قیله‌دی. لیکن، موتر هیده‌دیگن عیاللرنینگ سانی آز بولسه هم کیله‌جک اوچون امیدلی دیگن خانم حمیدی.
خانم حمیدی‌نینگ تعبیریچه، هنوز هم خاتینلرنینگ حقوقی ایرککلر تامانیدن کیم سیتیله‌دی. ایرکک سالارلیک هنوز هم جمعیت‌ده خاتین – قیزلرنی چیکلب قویگن دیدی ساحه نینگ فعالی.
