افغانستان ساغلیق‌نی سقلش وزیرلیگی مسؤول‌لری‌نینگ ایتیشیچه، میلادی 2015- ییلده ایدز کسل‌لیگی‌گه چالینگن کمیده 6700 کیشی روی‌خط‌گه آلینگن.
اوشبو مسؤول‌لر دنیا ساغلیق‌نی سقلش تشکیلاتی تیکشیرویدن نقل قیلیب ایتیشیچه، افغانستانده، اچ‌آی‌وی (ایدز) ویروسی‌گه چالینگن‌لر میلادی 2013- ییل 1700 کیشی‌گه ییتیشردی.
ساغلیق‌نی وزیرلیگی، (ایدز) نی باشقروچی ملی برنامه اورگه تووچی داکتری احسان‌الله احسان‌نینگ ایتیشیچه، اچ‌آی‌وی ویروسی‌گه چالینگن‌لرنی کوپینچه‌سی پیچ قویه‌دیگن بنگی‌لر دیر.
ساغلیق‌نی سقلش وزیرلیگی ایدز کسل‌لیگی‌نی باشقریش و خلق‌نی آگاه‌لنتیریش اوچون (شنبه کون) خبرچیلر اوچون بیرکون‌لیک برنامه یولگه قویدی.
اوشبو برنامه داکتری جناب احسان‌نینگ ایتیشیچه، ایدز کسل‌لیگی‌نی یاشیریش، دارولشینی قیین قیله‌دی و چالینگن‌لر استه‌سیکین اورته‌دن کیته‌دی.
ساغلیق‌نی سقلش وزیرلیگی رسمی‌لری‌نینگ ایتیشیچه، ایدز کسل‌لیگی توغری‌سیده سلبی فکر، آگاه‌سیزلیک، خطرلی گروه‌لرگه قول تاپیش، پیچ قویه‌دیگن بنگی‌لر، ساغلیک مرکزی یوق‌لیگی و ییتیشرلی بودجه بولمه‌گنی افغانستانده اوشبو ویروس باشقریلیشی اصلی قیینچی‌لیک‌لردن دیر.
بیریلگن سان‌لرگه کوره، حاضر افغانستانده کمیده 3 میلیون کیشی ایری مخدره ماده‌لری‌گه چالینگن.
