خلق ارا ساغلیقنی سقلش تشکیلات نماینده‌سی داکتر ایمان نینگ ایتیشیچه، دنیا بویلب واکسین‌گه ایملنمس‌لیگی دلیل 22 میلیون گودک جانلرینی قولدن بیره‌دی که افغانستان دنیا بویلب باله‌لری ایملشدن محروم قالگن 5 مملکت‌دن بیری دیر.
خانم ایمان نینگ کوپه‌یتریشیچه، شو میلادی ییلده اوروش دوام ایتیب باره‌دیگن ناتینچ منطقه‌لرده یشه‌یدیگن گودک‌لرگه واکسین خدماتی بولمه‌گنلیگی اوچون ایملنمه‌گن باله‌لر توجه گه آلینگن.
شو بیلن بیرگه اوشبو اولتیریشده عامه ساغلیقنی سلقش معینی احمدجان نعیم نینگ ایتیشیچه، شو حاضر ساغلیقنی سقله‌یدیگن مرکزلرده 12 تور واکسین موجود که بولر برچه‌سی باله‌لر اوچون تیکین ترقه تیله‌دی.
جناب نعیم‌گه کوره، مملکت ایریم ییرلریده ساغلیقنی سقلش خدماتیدن توغری شکلده ایش آلمیدیلر و بو عمل اهالی نینگ کوپراق اورگه نیشگه نیازی بولگن‌لیگینی کورسته‌دی.
ساغلیقنی سقلش وزیرلیگی قوم یاش اولوغلری، دین عالم‌لری و مملکت بولیب اوقیتوچیلردن واکسین بیلن ایملنه‌دیگن عملی‌گه مذکور وزیرلیک بیلن یاردم بیریشلرینی سوره‌یدی.
باشقه بیر تاماندن یونیسف دفتری نینگ ساغلیقنی سقلش اداره‌سی باشلیغی شیرین روکی نینگ معلوم قیلیشیچه، افغانستان یشاوچیلریگه واکسین اهمیتی باره سیده انیق معلومات بیریلیشی لازم، تا اهالی باله‌لرینی مذکور دارو بیلن ایملب اولیمدن قوتقرسینلر.
جناب روکی افغانستانده واکسین تطبیق بیریلیشی ییریک اهمیت‌گه ایگه بولگن ایشلردن بیری دیب بیله‌دی و بو عمل یاشی بیشگه تولمه گن باله‌لر ارا 35 فایز ایملشدن اولیش خواطرلر آلدینی آله‌دی.
