افغانستان ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده کرونا ویروس گه شبهه‌لی 769 کیشی دن آلینگن نمونه سیناویده 279 کیشی نینگ نتیجه‌سی مثبت تشخیص قیلینگن.
بوگون «سه‌شنبه، 10- سرطان» ساغلیقنی سقلش وزیرلیگی نینگ عامه‌وی علاقه مسؤولی سعیدالدین جامی نینگ ایتیشیچه، اوتگن 24 ساعت ساعت جریانیده رویخط گه آلینگن ینگی واقعه‌لر شامل مملکت ده کرونا ویروس گه چلینگن‌لرنینگ سانی 31 مینگ و 517 کیشی گه ییتیشگن.
اونگه کوره، اوتگن 24 ساعت جریانیده کرونا ویروس کسل‌لریدن 12 ته‌سی جان بیرگن و باشقه 197 ته‌سی نینگ قیته ساغه‌یگنی معلوم قیلینگن.
ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگه‌قدر مملکت ده کرونا ویروس کسل‌لریدن 745 ته‌سی جان بیرگن و باشقه 14 مینگ و 36 ته‌سی قیته ساغه‌یگن.
شونینگدیک، حاضرگه‌قدر بوتون دنیاده 10 میلیون و 412 مینگ دن آرتیق کیشی کرونا ویروس گه چلینگن. بو آره‌دن 500 مینگ دن آرتیغی جان بیرگن و باشقه 5 میلیون و 668 مینگ دن آرتیغی یخشی بولگن.
